उरण येथील मुळेखंड कोळीवाडा मधील आनंदी कोळी या ६५ वर्षीय वृद्धेचा तलावात बुडून मृत्यू झाला आहे.उरण तालुक्यातील मुळेखंड- कोळीवाडा येथील आनंदी कोळी यांच्या हाताला काही दिवसांपूर्वी मार लागला होता.यावर कोप्रोली प्राथमिक आरोग्य केंद्रातऔषधोपचार सुरू होते.शुक्रवारी सकाळी १०.३० वाजताच्या सुमारास सदर महिला औषधे आणण्यासाठी कोप्रोली प्राथमिक आरोग्य केंद्राकडेनिघाली होती. हेही वाचा >>> उरण : जोरदार पावसाचा भात शेतीला फटका ; शेतकरी चिंताग्रस्त निर्जनस्थळावरुन जात असताना रस्त्याच्या कडेला असलेल्या तलावात पाय घसरून पडली आणि बुडून मृत्यू झाला.शुक्रवारी रात्रीच्या सुमारास तिचे शव तलावात तरंगताना दिसून आल्यानंतर प्रत्यक्षदर्शींनी उरण पोलिसांना माहिती दिली.पोलिसांनीही तिच्या नातेवाईकांचा शोध घेऊन शवविच्छेदनानंतर प्रेत त्यांच्या ताब्यात दिले. याप्रकरणी उरण पोलिसात आकस्मिक मृत्यूची नोंद केली आहे.अधिक तपास विजयकुमार कावळे करीत आहेत.
