भाज्या वधारल्या! पाऊस लांबल्याने आवक घटली, परिणामी दरात २० ते ३० टक्के वाढ

नवी मुंबई: वाशीतील एपीएमसी घाऊक बाजारात भाज्यांची आवक घटल्याने भाजीपाल्याच्या दरात २० ते ३० टक्के वाढ झाली आहे. उन्हाळ्यात भाज्यांचे उत्पादन कमी होत असल्याने बाजारात भाज्यांची आवक घटते. त्याचबरोबर आता पाऊस लांबल्याने ही भाज्या वधारल्या आहेत. भाजीपाल्याचे दर आणखीन वाढण्याची शक्यता आहे.

आणखी वाचा

सव्वाकोटीचे भाडे थकविल्यामुळे कल्याणमधील बोरगावकरवाडी वाहनतळ पालिकेच्या ताब्यात

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

विदर्भात अवकाळी पावसाची शक्यता! किमान तापमानात वाढ

उरण: चिरनेरच्या सेंद्रिय गोड वालांना हवे भौगोलिक मानांकन

यंदा गहू मुबलक; देशात उच्चांकी लागवड; रब्बी पेरण्या ६३२ लाख हेक्टरवर; पोषक वातावरणाचा परिणाम

विश्लेषण : सोयाबीन खरेदीची उद्दिष्टपूर्ती का नाही?

हिवाळ्यातसुद्धा गुलाबाच्या झाडावर उमलतील टवटवीत फुले; रिझल्ट बघून आनंदून जाल, बहरून जाईल घर, जाणून घ्या टीप्स

पुणे : कात्रज भागातील येनपूरे टोळीच्या म्होरक्याला बारामतीतून अटक, मोक्का कारवाईनंतर दोन वर्ष पसार

एपीएमसी बाजारात नित्याने ५५०ते ६०० गाड्या आवक होते. मंगळवारी बाजारात ५३९ गाड्या दाखल झाल्या आहेत. सर्व प्रकारच्या भाज्यांमध्ये टोमॅटो अधिक स्वस्त होते, परंतू आता टोमॅटोचे उत्पादन कमी होत असून टोमॅटोच्या दरात प्रतकिलो १२-१८ रुपयांनी दरवाढ झाली आहे. मध्यंतरीच्या कालावधीत टोमॅटोचे दर गडगडले होते, त्यामुळे कवडीमोल दर मिळत असल्याने टोमॅटो उत्पादक शेतकऱ्यांनी अधिक उत्पादन घेण्याकडे दुर्लक्ष केले. त्यामुळे एपीएमसीत टोमॅटो आवक घटली आहे.

आणखी वाचा-नवी मुंबईत गढूळ पाण्यावरुन संताप , पालिकेने नागरिकांना पाणी स्वच्छ करण्याचे फिल्टर वाटावेत

मंगळवारी बाजारात २८८७ क्विंटल आवक झाली असून प्रतिकिलो २० ते ३२रुपयांनी उपलब्ध असून किरकोळ बाजारात ५०ते ६०रुपयांनी विक्री होत आहे. घाऊकमध्ये प्रतिकिलो गवार, भेंडी ,हिरवी मिरची ,शिमला मिरची, ४०-४५ रू, फ्लॉवर ११-१२रु, वांगी ३०-३२रु, अद्रक १८०रू, कोथिंबीर १५-२०रुपये जुडी तर मेथी १०-१५रू जुडी दराने विक्री होत आहे. पाऊस लांबल्याने उत्पादन कमी झाले आहे , त्यामुळे भाज्यांची दरवाढ होत आहे असे मत व्यापारी संजय फुलसुंदर यांनी व्यक्त केले आहे.