लोकसत्ता टीम
उरण: महिलांच्या हक्काच्या दिनाचे निमित्त साधत रायगड जिल्हा जनवादी महिला संघटनेच्या वतीने बुधवारी उरणच्या गांधी चौकात गॅस दरवाढ व महागाईच्या विरोधात जोरदार निदर्शने करण्यात आली. यावेळी मोठ्या संख्येने महिला सहभागी झाल्या होत्या. गॅस दरवाढ मागे घ्या, महागाई कमी करा, बेरोजगारांना काम द्या, सर्वसामान्य कामगार, कष्टकरी, भूमिहीनाना रेशनवर मोफत धान्य द्या, आशा वर्कर ना मानधन आणि सुविधा द्या आदी मागण्याच्या घोषणा यावेळी करण्यात आल्या. निदर्शनात जनवादी महिला संघटनेच्या महाराष्ट्र राज्य उपाध्यक्ष हेमलता पाटील, रायगड जिल्हा अध्यक्ष अमिता ठाकूर, जेष्ठ महिला कार्यकर्त्या कुसुम ठाकूर, चंपा पाटील, आशा वर्कर संघटनेच्या रसिका घरत व किसान सभेचे सचिव संजय ठाकूर यांची भाषणे झाली.
आणखी वाचा- चार वर्षीय आदिवासी मुलाला सर्प दंश, वेळेत उपचार झाल्याने मुलाचे प्राण वाचले
८ मार्च हा आंतरराष्ट्रीय महिला दिन ठरविण्यामागे एक मोठा इतिहास आहे. १८५७ यावर्षी न्यूयॉर्कमध्ये शिलाई कामगार स्त्रियांचा भीषण पिळवणुकी विरुद्ध मोठा संप होऊन निदर्शने झाली. त्यांच्यावर दडपशाही ही जबर झाली. तोच हा ८ मार्च जेव्हा युरोप मधील स्टुट गार्ड येथे आंतरराष्ट्रीय समाजवादी परिषद १९०७ रोजी भरली होती आणि जर्मन कम्युनिस्ट पक्षाची थोर पुढारी क्लारा झेटकीन हिने स्त्रियांच्या हक्का विषयांचा प्रश्न पुढे आणला.
स्त्रियांचे हक्क, माता व बालकांचे हक्क आणि मतदानाचा पुरुषांप्रमाणे समान हक्क यासाठी कामगार वर्गाने पाठिंबा दिला पाहिजे. तसेच त्यावेळी गिरणी कारखान्यात कामाचे तास १२ ते १४ असे असत. पगार व कामाचे तास यासाठी कायदे नसत, म्हणून त्यांनी ट्रेड युनियन संघटना बांधून ८ तासांचा दिवस, किमान पगाराची हमी अशाही मागण्या केल्या. जगातील सर्व स्त्रियांनी आपल्या हक्कासाठी व लढ्यासाठी एक दिन ठरवावा म्हणून आंतरराष्ट्रीय महिला दिन जगभर साजरा केला जातो. संयुक्त राष्ट्र संघटनानेने १९७५ ला या जागतिक दिनाची घोषणा केली. तेव्हा पासून महिलांच्या हक्काचा दिवस पाळला जात आहे.
उरण: महिलांच्या हक्काच्या दिनाचे निमित्त साधत रायगड जिल्हा जनवादी महिला संघटनेच्या वतीने बुधवारी उरणच्या गांधी चौकात गॅस दरवाढ व महागाईच्या विरोधात जोरदार निदर्शने करण्यात आली. यावेळी मोठ्या संख्येने महिला सहभागी झाल्या होत्या. गॅस दरवाढ मागे घ्या, महागाई कमी करा, बेरोजगारांना काम द्या, सर्वसामान्य कामगार, कष्टकरी, भूमिहीनाना रेशनवर मोफत धान्य द्या, आशा वर्कर ना मानधन आणि सुविधा द्या आदी मागण्याच्या घोषणा यावेळी करण्यात आल्या. निदर्शनात जनवादी महिला संघटनेच्या महाराष्ट्र राज्य उपाध्यक्ष हेमलता पाटील, रायगड जिल्हा अध्यक्ष अमिता ठाकूर, जेष्ठ महिला कार्यकर्त्या कुसुम ठाकूर, चंपा पाटील, आशा वर्कर संघटनेच्या रसिका घरत व किसान सभेचे सचिव संजय ठाकूर यांची भाषणे झाली.
आणखी वाचा- चार वर्षीय आदिवासी मुलाला सर्प दंश, वेळेत उपचार झाल्याने मुलाचे प्राण वाचले
८ मार्च हा आंतरराष्ट्रीय महिला दिन ठरविण्यामागे एक मोठा इतिहास आहे. १८५७ यावर्षी न्यूयॉर्कमध्ये शिलाई कामगार स्त्रियांचा भीषण पिळवणुकी विरुद्ध मोठा संप होऊन निदर्शने झाली. त्यांच्यावर दडपशाही ही जबर झाली. तोच हा ८ मार्च जेव्हा युरोप मधील स्टुट गार्ड येथे आंतरराष्ट्रीय समाजवादी परिषद १९०७ रोजी भरली होती आणि जर्मन कम्युनिस्ट पक्षाची थोर पुढारी क्लारा झेटकीन हिने स्त्रियांच्या हक्का विषयांचा प्रश्न पुढे आणला.
स्त्रियांचे हक्क, माता व बालकांचे हक्क आणि मतदानाचा पुरुषांप्रमाणे समान हक्क यासाठी कामगार वर्गाने पाठिंबा दिला पाहिजे. तसेच त्यावेळी गिरणी कारखान्यात कामाचे तास १२ ते १४ असे असत. पगार व कामाचे तास यासाठी कायदे नसत, म्हणून त्यांनी ट्रेड युनियन संघटना बांधून ८ तासांचा दिवस, किमान पगाराची हमी अशाही मागण्या केल्या. जगातील सर्व स्त्रियांनी आपल्या हक्कासाठी व लढ्यासाठी एक दिन ठरवावा म्हणून आंतरराष्ट्रीय महिला दिन जगभर साजरा केला जातो. संयुक्त राष्ट्र संघटनानेने १९७५ ला या जागतिक दिनाची घोषणा केली. तेव्हा पासून महिलांच्या हक्काचा दिवस पाळला जात आहे.
