नवी मुंबईत देशमुख टोळी पुन्हा सक्रिय

नवीन पनवेल येथील भाजपाच्या माजी नगरसेविका यांच्या पतीला ७५ लाख रुपये द्या तूमच्या कुटुंबाला कायमची सूरक्षा पुरवतो, असे फोनवरून धमकी देणाऱ्याने सांगितले. ज्यांना ही धमकी मिळाली ते ठाकूर इन्फ्रा प्रा.लिमीटेड या परेश ठाकूर यांच्या कंपनीत काम करतात. परेश ठाकूर यांनी त्यांना पोलिसांत तक्रार करण्याचा सल्ला दिला. सध्या हे पीडित कुटुंब देशमुख टोळीच्या दहशतीखाली आहे. गव्हाण कोपर गावात राहणाऱ्या या कुटुंबाला धमकविताना टोळीतील सदस्याने त्याच गावातील इतरांकडूनही खंडणी घेतल्याची माहिती दिली. याबाबत खांदेश्वर पोलीस ठाण्यात गुन्हा नोंद करण्यात आला आहे. दूसऱ्या घटनेत रिपब्लिकन सेना या पक्षाचे रायगड जिल्हाध्यक्ष जीवन गायकवाड यांनाही ३५ हजार रुपयांची खंडणी बाबू नावाच्या व्यक्तीने मागितली. कळंबोली वसाहतीमध्ये फेस्टीवलचे आयोजन गायकवाड यांनी केले आहे. या फेस्टीवलमध्ये लागणाऱ्या दुकानांमुळे ही खंडणी मागितली जात असल्याचे तक्रारीत गायकवाड यांनी म्हटले आहे. या प्रकरणी गंभीर दखल घेत कळंबोली पोलीस ठाण्याचे वरिष्ठ पोलीस निरीक्षक दिलीप गुजर यांनी खंडणी आणि अनुसूचित जाती जमाती अत्याचार प्रतिबंध कायद्याअंतर्गत गुन्हा नोंदविला आहे. गायकवाड यांनाही देशमुख याचे नाव घेऊन धमकाविण्यात आले. या दोन्ही प्रकरणातील संशयित फरार आहेत.

आणखी वाचा

मावळचे वातावरण तापले! तालुक्यातून १०१ गुन्हेगार हद्दपार

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

भोसरी विधानसभा: पराभव दिसत असल्याने पैसे वाटप केल्याची बदनामी – अजित गव्हाणे

‘शिकारी खुद यहां शिकार हो गया’, सायबर चोरट्याचा पोलिसाला गंडा घालण्याचा प्रयत्न; नंतर झालं असं काही

झारखंडमध्ये ‘राहुल विमान’ कोसळणार! केंद्रीय गृहमंत्री अमित शहा यांची टीका

दारूच्या नशेत पोलिसांचे लज्जास्पद कृत्य, रस्त्याच्या मधोमध पँटची चेन उघडली अन्…; घटनेचा VIDEO व्हायरल

मोबाइल चोरणाऱ्या सराइतांना अटक; १२ मोबाइल संच जप्त; ९ गुन्हे उघड

पिंपरी-चिंचवडमध्ये ८० लाखांची रोकड, १७ लाखांचे मेफेड्रोन जप्त

हेही वाचा – रायगड : समाजातील लुटारूपासून सावध व्हा; माजी आमदार चंद्रशेखर प्रभू यांचे प्रकल्पग्रस्तांना आवाहन

सराईत गुंड पोलीस कोठडीत असताना त्याच्या टोळीतील फरार सदस्य व्यापारी, उद्योजक यांना धमकावत असल्याने नवी मुंबईतील व्यापारी व उद्योजक पुन्हा एकदा धास्तावले आहेत. नवी मुंबई पोलीस दल प्रामाणिक असले तरी सुरक्षेचे कडे किती कमकुवत आहे याचे या दोन्ही घटना प्रतिक आहे. नवी मुंबईचे पोलीस आयुक्त मिलिंद भारंबे यांचे लक्ष पोलीस दलाला शिस्त लावण्यात आणि काळेधंदे कायमचे बंद करण्यात लागले आहे. सात वर्षांपेक्षा अधिक शिक्षा असणाऱ्या गुन्ह्यात संशयित आरोपींना अटक करू नये असे सर्वोच्च न्यायालयाचे आदेश आहेत. अशा प्रकरणातील संशयित आरोपींना सीआरपीसीअंतर्गत संशयितची नोटीस देऊन सोडल्याने गुन्हा केला तरी काहीही होत नाही, अशी भावना गुन्हेगारांमध्ये बळावत आहे. त्यामुळे नवी मुंबईतील गुन्हेगारीचा आलेख उंचावत आहे. पोलीस प्रामाणिक पाहिजे की गुन्हेगारांवर वचक असणारा असा पेच सामान्य नागरिकांसमोर उभा आहे. याच परिस्थितीचा फायदा उचलत विकी देशमुख टोळीतील सदस्य फरार राहून सामान्य नागरिकांना लक्ष्य करीत आहेत. गेले अनेक महिने देशमुख पोलीस कोठडीत असला तरी त्याची दहशत कमी होण्यापेक्षा अधिक वाढली. पोलिसांना विकीने लपवलेले मोठे घबाड अजूनही सापडले नाही. त्याच्या टोळीतील फरार सदस्यांपर्यंत पोलीस पोहोचू शकले नाहीत. यामुळे कोठडीत बंद असलेल्या विकीची टोळी कोण चालवितो, असा नवा प्रश्न पोलिसांना सतावत आहे.

हेही वाचा – उरण: पिरवाडी बीच हाऊसफुल्ल, सुट्टीमुळे पर्यटकांची पावले समुद्र किनाऱ्यावर

आम्ही घाबरणार नाही. खंडणीतर मुळीच देणार नाही. नवी मुंबईचे पोलीस आयुक्त मिलिंद भारंबे यांच्यासह पोलीस दलावर आणि डॉ. बाबासाहेब आंबेडकरांनी दिलेल्या संविधानाच्या अधिकारांवर आम्हा दलितांचा अजूनही विश्वास कायम आहे. रिपब्लिकन सेना रायगडमधील ही गुन्हेगारी मोडीत काढण्यासाठी सरसावली आहे. त्यामुळे जिवाची फिकीर न करता आम्ही गुन्हेगारांविरोधात गुन्हा नोंदविला. पोलिसांनी त्यावर तातडीने कारवाई करणे गरजेचे आहे. आज आमच्याकडून खंडणी मागितली जाते तर सर्वसामान्यांचे काय होईल, असे रायगड जिल्हा, रिपब्लिकन सेना, जिल्हाध्यक्ष जीवन गायकवाड म्हणाले.