नवी मुंबई: अवकाळी पावसाने कांद्याच्या दर्जावर परिणाम ;आवक असून बाजारात ग्राहक नसल्याने दरात घसरण

गेल्या काही दिवसांपासून एपीएमसी बाजारात सातत्याने कांद्याच्या दरात घसरण होत आहे. पावसाळ्यात कांद्याचे दर वधारतात, त्यामुळे पावसाळ्या आधीच कांदे साठवणूकिला सुरुवात होते. कांद्याला चढे दर मिळतील या अपेक्षेने चाळीतील कांदा साठवणूकिला सुरुवात झाली आहे. मात्र यामध्ये सर्वात उच्चतम प्रतीच्या कांद्याची साठवणूक केली जात आहे. सध्या बाजारात ७०% ते ८०% हलक्या प्रतीचा कांदा दाखल होत असून त्यातही अवकाळी पावसाने कांदे भिजल्याने ३०% ते ४०% कांदे खराब होत आहेत. त्यामुळे बाजारात हलक्या दर्जाचा कांदा दाखल होत आहे. बुधवारी बाजारात कांद्याच्या ९७ गाड्या दाखल झाल्या आहेत. परंतु ग्राहक कमी असून शेतमालाला उठाव कमी आहे, त्यामुळे दर घसरले आहेत, असे मत व्यापारी मनोहर तोतलानी यांनी व्यक्त केले आहे. मागील आठवड्यात उच्चतम प्रतीचा कांदा प्रतिकिलो ८ ते १२ रुपयांवर होता, तो आता ५ ते १०रुपये तर पाल्याचा कांदा ३ ते ५रुपये प्रतिकिलो दराने विकला जात आहे.

आणखी वाचा

विरोधकांचे ‘सोयाबीन अस्त्र’ ‘लाडक्या बहीण’चा प्रभाव रोखणार ?

महायुतीला सत्ता मिळाली, लाडक्या बहिणींना २१०० रुपये कधीपासून…

शेअर बाजाराकडे परदेशी गुंतवणूकदारांची पाठ? बाजार कोसळण्याचे तेच एक कारण?

समोरच्या बाकावरून : अर्थव्यवस्था तारेल त्यालाच मत

शेतकऱ्यांच्या प्रश्नावर थेट आंदोलन न करणाऱ्या ॲड. चटप यांना मतदार स्वीकारणार का?

विश्लेषण: १४ महिन्यांतील उच्चांकी चलनवाढीमागे कारणे कोणती? व्याजदर कपात आणखी लांबणीवर? जीडीपी वाढही मंदावणार?

कुणबी समाजाला डावलल्याची खंत, यवतमाळात तिसरा पर्याय देण्याचा प्रयत्न

हेही वाचा>>>नवी मुंबई : पदपथावरील पोत्यात रक्ताचे ओघोळ दिसल्याने उडाली खळबळ, पोलीसांनी तपासल्यावर प्रत्यक्षात…

सध्या बाजारात कांद्याची आवक अधिक आहे,परंतु पावसाने खराब तसेच हलक्या प्रतिचा कांदा दाखल होत आहे. त्यात ग्राहक कमी झाल्याने कांद्याला उठाव नाही,त्यामुळे दर गडगडले आहेत.-महेश राऊत,व्यापारी, एपीएमसी