नवी मुंबई : पुन्हा विजेचा खांब पडला, रात्री पडल्याने नुकसान टळले, मात्र सकाळी ९ पर्यंत रस्ता बंद

वाशी सेक्टर सात हा भाग फारशी वर्दळ नसलेला आणि उच्चभ्रू वस्तीचा भाग समाजाला जातो. याच ठिकाणी उद्यान आणि कधी काळी सुशोभित केलेला खाडी किनारा असलेले सागर विहार हे स्थळ आहे. त्यामुळे पहाटेपासून मॉर्निंग वॉक करणाऱ्याची संख्या मोठी असते. वाशी डेपोपासून सागर विहारच्या दिशेने जाताना सागर विहारपासून हाकेच्या अंतरावर असलेल्या चौकत रात्री विद्युत खांब पडला. सुदैवाने त्याखाली गाडी आली नाही आणि रात्र असल्याने कोणीही व्यक्ती न आल्याने कुठलीही हानी झाल्याचे वृत्त नाही. या ठिकाणी खांब रस्त्यावर आडवा पडल्याने मात्र रस्त्यावरून मार्गक्रमण करणाऱ्या वाहनांना पर्यायी मार्गाचा अवलंब करावा लागला. त्यात शहर वाहतूक सेवा असलेल्या एनएमएमटीलाही मार्ग बदलावा लागला. त्यामुळे या परिसरातील बस थांब्याऐवजी अन्यत्र प्रवाशांना उतरून चालत इच्छित स्थळी पायी जावे लागले. शहरात नवीन खांबे बसवण्याचे काम सुरू आहे आणि पडलेला खांब जुना आहे असा दावा विद्युत विभाग करीत असला तरी मान्सूनपूर्व काम करताना धोकादायक खांब शोधून योग्य ती कारवाई करणे अपेक्षित होते. असे असताना हा खांब नजरेस कसा पडला नाही. त्यामुळे विद्युत विभागाच्या मान्सूनपूर्व कामावर प्रश्नचिन्ह आहे, अशी प्रतिक्रिया स्थानिक रहिवासी विकास सोरटे यांनी दिली. 

आणखी वाचा

गिरणी कामगारांकडून पाच हजार रुपये उकळणे महागात; वांगणीतील विकासकाला कारणे दाखवा नोटीस, म्हाडाच्या मुंबई मंडळाकडून कारवाई

१८ नोव्हेंबर पंचांग: संकष्टी चतुर्थी १२ पैकी कोणत्या…

शहरात ठिकठिकाणी कचऱ्याचे ढीग; निवडणूक कामातील कामगारांच्या नियुक्त्यांमुळे कचरा व्यवस्थापनाची घडी विस्कटली

नवी मुंबईच्या औद्योगिक पट्ट्यातीलही भूखंड खासगी विकासकाकडे!

पहिली बाजू : भूखंड खादाडांचा डाव उद्ध्वस्त

खेड परशुराम घाटात दाट धुक्यामुळे चार वाहनांचा विचित्र अपघात; वाहनांचे मोठे नुकसान तर जीवितहानी टळली

दारू पिताना झालेल्या वादातून मजुराचा खुनाचा प्रयत्न, भिडे पूल परिसरातील घटना

कामाठीपुराचा पुनर्विकास ‘म्हाडा’ऐवजी पालिकेकडे ? विशिष्ट विकासकाच्या आग्रहामुळे निर्णय

हेही वाचा – नवी मुंबई : शाळा सुरु, शाळाशाळांमध्ये स्वागतोत्सव; मोफत पाठ्यपुस्तकांचे वाटप

याबाबत विद्युत विभागाचे कार्यकारी अभियंता सुनील लाड यांना विचारणा केली असता खांब बाजूला करण्याचे काम सुरू आहे. खांब जुना की नव्याने बसवण्यात आलेला आहे याची पाहणी करून योग्य ती कारवाई केली जाईल, असे सांगण्यात आले. 

हेही वाचा – नवी मुंबई : सिडको जमिनीवरील अवैध प्रकार, माती चोरी रोखण्याचे प्रयत्न; नागरिकांनाही आवाहन

नेरुळ सेक्टर १६ येथे १५ मार्चला नव्याने बसवलेला विद्युतखांब पडला होता. २१ मार्च रोजी पुन्हा एकदा वंडर्स पार्क जवळ सेक्टर १९ ए, नेरुळ येथे नव्याने बसविण्यात आलेला विद्युत खांब पडला. विद्युत विभागाच्या ढिसाळ कारभारामुळे खांब्याशेजारून जाताना सावध राहावे, अशी स्थिती निर्माण झाल्याची प्रतिक्रिया उमटत आहे.