लोकसत्ता टीम
उरण : शेतकरी प्रकल्पग्रस्त व स्थानिक भूमीपुत्र यांच्या अस्तित्वाचा प्रश्न निर्माण झाला आहे. त्यांना न्याय देण्यासाठी सर्व भूमिपुत्रांच्या संघटनांनी एक होऊन प्रकल्पग्रस्तांचे नेते माजी खासदार दि.बा. पाटील यांचे भूमिपुत्रांना न्याय देत त्यांचे प्रलंबित प्रश्न सोडवण्याचे आवाहन महासंघाचे अध्यक्ष कॉ. भूषण पाटील यांनी जासई मधील स्थापना समितीच्या बैठकीत केले. यावेळी त्यांनी महासंघाच्या वतीने पुढील काळातील आंदोलनाची घोषणा करण्यात आली. त्याचप्रमाणे पंतप्रधानांनी दि. बा. पाटील यांच्या विमानतळाच्या नावाची घोषणा करण्याचीही मागणी त्यांनी यावेळी केली.
आणखी वाचा-खारकोपर-उरण मार्गाची रेल्वेच्या मुख्यकार्यकारी अधिकऱ्यांकडून पाहणी
शेतकरी आणि प्रकल्पग्रस्तांच्या समस्यावर महासंघअंतर्गत संघटनेच्या वतीने राज्याचे मुख्यमंत्री व सिडकोच्या व्यवस्थापकीय संचालकांना नोटीस देण्यात आली आहे. यामध्ये २० फेब्रुवारी ला ९५ गावांचे महाधरणे आंदोलन सिडको भवन समोर ४ ते १६ मार्चला सिडकोभवनला साखळी उपोषण करण्यात येईल. तर १७ मार्च या सिडकोच्या स्थापना दिनी सिडको भवन ते मंत्रालय लॉंगमार्च काढण्यात येणार असल्याची माहिती महासंघाचे अध्यक्ष कॉ. भूषण पाटील,कार्याध्यक्ष दीपक पाटील, सरचिटणीस सुधाकर पाटील, सरचिटणीस, उपाध्यक्ष एड. विजय गडगे, समन्वयक एड. दीपक ठाकूर, यांनी दिली आहे. यावेळी जासई बैठकीत कामगार नेते सुरेश पाटील,वंदना गौरीकर आदीजण उपस्थित होते.
