पनवेल ः प्रती माणसी तीन किलो गहु आणि चार किलो तांदुळ सरकार मान्य रास्त धान्य दुकानातून मिळविण्यासाठी कुटूंबातील मोठ्यांसह लहानग्यांना रांगेत तासंतास ताटकळत उभे रहावे लागत आहे. तीन तासांपेक्षा अधिक वेळ रांगेत उभे राहूनच रेशनवरील धान्य मिळेल याची खात्री नसल्याने रहिवाशी संताप व्यक्त करत आहे. ही गोंधळाची स्थिती पनवेल महापालिका क्षेत्रातील कळंबोली उपनगरातील सरकार मान्य रास्त धान्य दूकान क्रमांक ३ वरील आहे. रेशनींगचे धान्य मिळविण्यासाठी संबंधितांनी केवायसी करणे गरजेचे असल्याने रेशन दूकानावरील पॉझमशीन व्यवस्थीत चालत नसल्याने अनेक मिनिटांचा खोळंबा होत आहे. रांगेत उभे राहिल्यानंतर धान्य मिळण्याची वेळ येते त्यावेळेस केवायसी नसल्यास त्या कुटूंबप्रमुखाला खाली हात परतावे लागत असल्याने सरकारचे नियम सर्वसामान्यांसाठीच का असा प्रश्न नागरिक विचारु लागले आहेत.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
