उलवे नेरुळ उड्डाणपुलावर भीषण अपघात

नवी मुंबई मनपा मुख्यालय इमारती समोर असणाऱ्या उलवा उड्डाणपुलावर पावणे दहाच्या सुमारास कार आणि ट्रकचा भीषण अपघात झाला.

नवी मुंबई : नवी मुंबई मनपा मुख्यालय इमारती समोर असणाऱ्या उलवा उड्डाणपुलावर पावणे दहाच्या सुमारास कार आणि ट्रकचा भीषण अपघात झाला. अपघातात कार मधील दोघांची प्रकृती अत्यंत चिंताजनक आहे.आज रात्री पावणे दहाच्या सुमारास उलवेकडून नेरुळच्या दिशेला भरधाव वेगाने येणाऱ्या कार चालकाने समोरील ट्रेकला मागून जोरदार धडक दिली. अपघात एवढा भीषण होता की कारचे बोनेट आणि समोरील केबिन पूर्णपणे दबले गेले आहे. अपघात बाबत माहिती मिळताच एनआरआय पोलिसांनी घटनास्थळी धाव घेतली.

या अपघातात कार मध्ये पुढे बसलेल्या दोघांची प्रकृती अत्यंत चिंताजनक आहे. अद्याप कोनाविरुद्ध गुन्हा दाखल करण्यात आला नाही . जखमींना नजीकच्या रुग्णालयात दाखल केले आहे. त्यांची ओळख अद्याप पटलेली नाही. अशी माहिती वरिष्ठ पोलीस निरीक्षक प्रमोद तोरडमल यांनी दिली.

आणखी वाचा