घणसोली येथे राष्ट्रवादी काँग्रेसच्या नगरसेवकांवर नवरात्रीतील वर्गणीच्या वादावरून मारहाण केल्याचा दावा करत शिवसनिकांनी रबाळे पोलीस ठाण्यामध्ये गुन्हा दाखल केला होता. राष्ट्रवादी काँग्रेसने त्याविरोधात शुक्रवारी थेट रबाळे पोलीस ठाण्यावर मोर्चा काढला होता. मात्र त्यासाठी परवानगी न घेतल्याने पोलिसांनी राष्ट्रवादीच्या नगरसेविका मोनिका पाटील यांच्यासह पदाधिकांऱ्यावर गुन्हा दाखल केला आहे. शिवसेनेचे कार्यकर्ते नंदू राठोड यांनी नवरात्रीची वर्गणी वसुली करण्यावरून राष्ट्रवादीच्या नगरसेवकाला जाब विचारला होता. त्यावरून राष्ट्रवादीच्या कार्यकर्त्यांनी मारहाण केल्याचा आरोप करत राष्ट्रवादीचे नगरसेवक लक्ष्मीकांत पाटील यांच्याविरोधात तक्रार दाखल केली होती.
