उरण : आदी मच्छिमारांचे पुनर्वसन करा, पोटावर मारू नका या मागणी घेऊन उरणच्या मच्छिमारांनी सिडकोच्या उरण बाह्यवळण रस्त्याचे काम बंद करून स्वतःला अटक करून घेतली. या मार्गामुळे येथील मासेमारी व्यवसायांवर परिणाम होणार असल्याचा दावा मच्छिमारांनी केला आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
नौदलाच्या वाहनांसाठी तयार करण्यात येणाऱ्या पर्यायी बाह्यवळण रस्त्याच्या कामाला मंगळवारी उरण कोळीवाडा येथील मच्छिमारांनी आधी पुनर्वसन नंतर प्रकल्प ही मागणी करीत काम बंद पाडले. त्यामुळे, पोलिसांनी मच्छिमारांना अटक केली आहे. त्यानंतर पोलिसांच्या बंदोबस्तात सिडकोकडून काम सुरू करण्यात आले आहे.
उरण हे नवी मुंबईमुळे वाढते शहर आहे. त्याचप्रमाणे तालुक्यातील वाढत्या औद्योगिक व नागरीकरणामुळे शहरातील वाहनांमध्येही वाढ झाली आहे. त्यामुळे उरण शहरात सध्या तासंतास वाहतूक कोंडीला सामोरे जावे लागत आहे. शहरतील कोंडी दूर करण्यासाठी १९९५ पासून बाह्यवळण मार्गाचा प्रस्ताव आहे. तर नौदलाच्या मागणीमुळे सिडकोकडून उरण बाह्यवळण मार्ग प्रस्तावित असून ४७ कोटी खर्चाचा हा रस्ता आहे. त्यासाठी २०१३ ला सिडकोने सर्व प्रकारच्या परवानग्या घेतल्या असल्याची माहिती सिडकोच्या द्रोणागिरी नोडचे कार्यकारी अभियंता हनुमंत नहाने यांनी दिली आहे. तर मच्छिमारांच्या मागण्यांसंदर्भात सिडकोच्या सहव्यवस्थापकीय संचालक यांच्यासोबत चर्चा झाली असून, मच्छिमारांनी मोबदल्यासाठी न्यायालयात दावा दाखल केला आहे. त्याचा निकाल आल्यानंतर सिडकोकडून पूर्तता केली जाईल. तोपर्यंत काम सुरू करण्याची विनंती केली असल्याची माहिती दिली.
बाह्यवळण मार्गामुळे मच्छिमारी व्यवसायावर व येथील पर्यावरणावर ही परिणाम होणार असल्याने मच्छिमारांच्या पोटावर मारू नका, काम थांबवा, तसेच हरित न्यायालयाने या कांदळवन परिसरात काम करण्यास बंदी घातली असून, मच्छिमार व पर्यावरण वाचविण्याची मागणी मच्छिमारांचे नेते दिलीप कोळी यांनी केली. तर, पोलिसांनी मच्छिमारांना सरकारी कामात अडथळा केल्याने अटक केली आहे. त्यांच्यावर यासंदर्भात गुन्हे दाखल करण्याची प्रक्रिया सुरू असल्याची माहिती पोर्ट विभागाचे सहायक आयुक्त धनाजी क्षीरसागर यांनी दिली.
नौदलाच्या वाहनांसाठी तयार करण्यात येणाऱ्या पर्यायी बाह्यवळण रस्त्याच्या कामाला मंगळवारी उरण कोळीवाडा येथील मच्छिमारांनी आधी पुनर्वसन नंतर प्रकल्प ही मागणी करीत काम बंद पाडले. त्यामुळे, पोलिसांनी मच्छिमारांना अटक केली आहे. त्यानंतर पोलिसांच्या बंदोबस्तात सिडकोकडून काम सुरू करण्यात आले आहे.
उरण हे नवी मुंबईमुळे वाढते शहर आहे. त्याचप्रमाणे तालुक्यातील वाढत्या औद्योगिक व नागरीकरणामुळे शहरातील वाहनांमध्येही वाढ झाली आहे. त्यामुळे उरण शहरात सध्या तासंतास वाहतूक कोंडीला सामोरे जावे लागत आहे. शहरतील कोंडी दूर करण्यासाठी १९९५ पासून बाह्यवळण मार्गाचा प्रस्ताव आहे. तर नौदलाच्या मागणीमुळे सिडकोकडून उरण बाह्यवळण मार्ग प्रस्तावित असून ४७ कोटी खर्चाचा हा रस्ता आहे. त्यासाठी २०१३ ला सिडकोने सर्व प्रकारच्या परवानग्या घेतल्या असल्याची माहिती सिडकोच्या द्रोणागिरी नोडचे कार्यकारी अभियंता हनुमंत नहाने यांनी दिली आहे. तर मच्छिमारांच्या मागण्यांसंदर्भात सिडकोच्या सहव्यवस्थापकीय संचालक यांच्यासोबत चर्चा झाली असून, मच्छिमारांनी मोबदल्यासाठी न्यायालयात दावा दाखल केला आहे. त्याचा निकाल आल्यानंतर सिडकोकडून पूर्तता केली जाईल. तोपर्यंत काम सुरू करण्याची विनंती केली असल्याची माहिती दिली.
बाह्यवळण मार्गामुळे मच्छिमारी व्यवसायावर व येथील पर्यावरणावर ही परिणाम होणार असल्याने मच्छिमारांच्या पोटावर मारू नका, काम थांबवा, तसेच हरित न्यायालयाने या कांदळवन परिसरात काम करण्यास बंदी घातली असून, मच्छिमार व पर्यावरण वाचविण्याची मागणी मच्छिमारांचे नेते दिलीप कोळी यांनी केली. तर, पोलिसांनी मच्छिमारांना सरकारी कामात अडथळा केल्याने अटक केली आहे. त्यांच्यावर यासंदर्भात गुन्हे दाखल करण्याची प्रक्रिया सुरू असल्याची माहिती पोर्ट विभागाचे सहायक आयुक्त धनाजी क्षीरसागर यांनी दिली.
