नवी मुंबई: शेअर मार्केटमध्ये नफ्याचे आमिष दाखवत तब्बल १ कोटी रुपयांची फसवणूक

संदीप खुराणा असे यातील फिर्यादीचे नाव असून ते एका इन्फ्रास्ट्रक्चर कंपनीत भागीदार आहेत. त्यांना ६ ऑगस्टला फोन आला आयसीआयसीआय बँकेतून  मुमताज मिमो बोलते असे समोरील व्यक्तीने सांगितले व शेअर मार्केट मध्ये योग्य ठिकाणी गुंतवणूक करण्यासाठी टिप्स देणे, मार्गदर्शन करणे आदी माहिती हे काम करत असल्याचे सांगितले. संदीप यांनी यापूर्वी शेअर मार्केट मध्ये गुंतवणूक केलेली असल्याने त्यांनाही ही संधी वाटली व त्यांनी होकार दिला.

हेही वाचा… सागरी व खाडी प्रदुषणामुळे छोट्या पारंपारिक मच्छिमारांचा व्यवसाय घटला; ताज्या मासळीचा तुटवडा जाणवू लागल्याने कुटुंबावर उपासमार

काही वेळातच त्यांना  Stock Market Investor Alliance VIP 7 या व्हॉट्सअ‍ॅप समूहात घेण्यात आले ज्याचे  ऍडमिन एलिझा नावाचे व्यक्ती होते. इथून पुढे थोडी थोडी गुंतवणूक कशी करावी याचे ऑनलाईन शिकवणी वर्ग सुरु झाले. त्यानंतर लिंक पाठवणे , पैसे भरण्यास सांगणे सुरु झाले. यात संदीप यांच्या समवेत एकूण चार व्यक्तींशी ऑनलाईन आणि मोबाईलवर संपर्क आला. ६ ऑगस्ट ते १३ नोव्हेंबर दरम्यान संदीप यांच्या कडून एकूण चाळीस वेळा एक लाख ते १४ लाख अशा रकमा घेतल्या. असे एकूण १ कोटी २३ लाख ६४ हजार ५४ रुपये भरले.

हेही वाचा… पनवेल: नववीच्या वर्गात काढलेल्या एका लज्जास्पद छायाचित्रामुळे विद्यार्थीनीने जिवनयात्रा संपविली

मात्र दर वेळी विविध कर भरा, मोठी रक्कम असल्याने थोडे थांबा, अशी चालढकल अनेक दिवस केली गेली. आपली  फसवणूक होत असल्याच्या संशयाने संदीप यांनी गुंतवणूक केली ती रक्कम परत करा असा तगादा सुरु केला. त्यामुळे समोरील व्यक्तीने संपर्कच तोंडाला. शेवटी संदीप यांनी दिलेल्या तक्रारीवरून सायबर पोलिसांनी त्या चार अनोळखी लोकांच्या विरोधात फसवणुकीचा गुन्हा नोंद केला आहे.