पनवेल: परदेशात नोकरी लावण्याच्या बहाण्याने शेकडो तरुणांची लाखोंची फसवणूक

परदेशामध्ये लाखो रुपयांची नोकरी लावण्याची जाहीरात करुन कळंबोली वसाहतीमध्ये कार्यालय थाटले, बेरोजगार उमेदवारांकडून लाखो रुपये जमवले आणि भामटा रातोरात पळून गेल्याने कळंबोली परिसरातील तरुणांमध्ये एकच खळबळ माजली आहे.

पनवेल: परदेशामध्ये लाखो रुपयांची नोकरी लावण्याची जाहीरात करुन कळंबोली वसाहतीमध्ये कार्यालय थाटले, बेरोजगार उमेदवारांकडून लाखो रुपये जमवले आणि भामटा रातोरात पळून गेल्याने कळंबोली परिसरातील तरुणांमध्ये एकच खळबळ माजली आहे. अनेक तरुणांनी फसवणूक झाल्याबाबत तक्रार पोलीसांत दिली. या प्रकरणी अजून संशयीत आरोपी पोलीसांच्या हाती सापडलेला नाही. या प्रकरणातील पहिली तक्रार पिडीत उमेदवाराने नऊ लाख रुपयांची फसवणूक झाल्याची दिली आहे. पुढील काही दिवस फसगत झालेल्या तरुणांना एकत्र करुन त्यांच्या प्रत्येकाची तक्रार दाखल करण्याची कार्यवाही पोलीस ठाण्यात सूरु आहे.

परदेशात लाखो रुपयांचा पगात असल्याची नोकरी लावतो, मुलाखतीमध्ये फक्त उत्तीर्ण व्हा, असा बहाणा करुन शेकडो तरुणांना नोकरीचे आमिष दाखविले. मात्र वर्ष उलटले तरी नोकरी लागत नसल्याने संबंधित कंपनीच्या कार्यालयाच्या खेट्या मारल्यानंतर संशयीत भामटा पळाला. अखेर वैतागलेल्या तरुणांनी थेट पोलीस ठाणे गाठले. यामुळे शेकडो तरुण आणि त्यांचे कुटूंबिय हवालदिल झाले आहे. याबाबत दोन दिवसांपूर्वी कळंबोली पोलीस ठाण्यात तक्रार करण्यात आली आहे. एका तक्रारीनंतर अनेक उमेदवारांनी पोलीसांकडे संपर्क साधला.

आणखी वाचा

'Gir Mat Jaana': Viral MP Woman's Dance Fails To Impress Netizens funny video goes viral

गावच्या महिलेचा ट्रेंडिंग गाण्यावर तुफान डान्स; मारल्या अशा स्टेप की VIDEO पाहून पोट दुखेपर्यंत हसाल

Sushma Andhare : “माझी प्रिय भावजय” म्हणत सुषमा…

ATM money theft pune, thief caught pune,

पुणे : एटीएममधून रोकड चोरणाऱ्या चोरट्याला पकडले; सुरक्षारक्षक, वाहतूक पोलिसांची तत्परता

dream of five and half thousand policemens house in Lohgaon will come true soon

लोहगावात साडेपाच हजार पोलिसांच्या घराचे स्वप्न लवकरच साकार

Two girls fighting at collage over a guy shocking video viral on social media

प्रेमासाठी काय पण! एका बॉयफ्रेंडसाठी दोन तरुणींचा झिंज्या उपटत तुफान राडा; VIDEO पाहून व्हाल हैराण

Will Ramdas Athawale take care of BJP or Republican workers

रामदास आठवले भाजपला सांभाळणार की रिपब्लिकन कार्यकर्त्यांना?

maharashtra assembly election 2024 ravindra dhangekar vs hemant rasane kasba peth assembly constituency

धंगेकर-रासने लढतीच्या दुसऱ्या फेरीत कोणाची बाजी?

maharashtra assembly election 2024 uddhav thackeray hoarding

‘प्रकल्प रोखणारे सरकार’ला ठाकरे गटाचे फलकबाजीतून उत्तर

हेही वाचा >>>उरण चिटफंड घोटाळ्याचं वेशभूषा प्रतिबिंब; नवरात्रात मुलांनी सादर केली प्रतिकात्मक कला

कॅनडा, पोर्तुगाल व इतर देशांमध्ये क्लार्क व इतर पदांवर नोकरी लावून तेथेच राहण्याची कंपनीच्यावतीने सोय करु असे आश्वासन कळंबोली येथील एका भामट्याने तरुणांना दिले होते. कळंबोली येथील ३९ वर्षीय बलजीत सिंग या तरुणाची अशीच फसगत या भामट्याने केली आहे. कॅनडा येथे बलजीत सींग यांना नोकरी मिळेल या आशेने सींग यांनी वसाहतीमधील सेक्टर ११ येथील वास्तुशांती या इमारतीमधील ग्लोबल इंटरनॅशनल एज्युकेशन सेंटर अॅण्ड जुन्यीअर एज्युकेशन सर्व्हीसेस या कंपनीतील व्यक्तीला धनादेशाने नऊ लाख रुपये नोकरी लावण्यासाठी दिले. मागील वर्षी ऑगस्ट व सप्टेंबर महिन्यात घेतलेली रकमेनंतर नोकरी लागली नाही. तसेच दिलेली रक्कम परत मागीतल्यानंतर ती परत मिळाली नाही. त्यामुळे सींग यांनी पोलीस ठाणे गाठले. सिंग यांच्यासह असंख्य तरुणांनी पोलीस ठाण्याकडे दाद मागीतली. काही तरुण पंजाब येथूनही याच कार्यालयाने फसवणूक केल्याचे सांगत आहेत. मंगेश यादव या रिक्षाचालकाने पोर्तुगालमध्ये एक लाख रुपये महिन्याला पगार मिळेल या अपेक्षेने संबंधित कार्यालयात पन्नास हजार रुपये जमा केले होते. यादव यांना जमा केलेल्या रकमेची संबंधित कार्यालयाच्यावतीने पावती दिली होती. मात्र वर्ष उजाडले तरी नोकरी काही लागली नाही. कळंबोली पोलीसांनी या घटनेनंतर फसवणूक झालेल्या तरुणांना पोलीस ठाण्याशी संपर्क साधण्याचे आवाहन केले आहे.

First published on: 25-10-2023 at 19:22 IST

Web Title: Hundreds of youths have been cheated out of millions on the pretext of getting jobs abroad amy