उरण : सप्टेंबर अखेरची आणि ऑक्टोबरची सुरुवात याकाळात थंडीची चाहूल लागत असून उरणमध्ये बुधवारी सकाळी १० ते साडेदहा वाजता काही प्रमाणात वातावरणात धुके पसरले होते. मात्र हे धुके आहे की प्रदूषणाचे धुरके आहे, अशी शंका नागरिकांकडून व्यक्त केली जात आहे. मंगळवारी रात्रीच्या वेळी उरण शहर व परिसरात झालेल्या पावसानंतर धुक्याचेच वातावरण दिसत होते. त्यामुळे हे खरंच धुकं आहे की, हवेतील वाढते प्रदूषण अशी शंका उरण मधील नागरिकांकडून व्यक्त केली जात आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

हेही वाचा : थकीत मालमत्ता कराच्या सवलतीसाठी पनवेलच्या भाजपचे नेते उपमुख्यमंत्री फडणवीसांना साकडे घालणार

आणखी वाचा

हेही वाचा : एपीएमसी मध्ये दुकानधारकांचे बस्तान फुटपाथवर सुरूच

सध्या वातावरणात क्षणा क्षणाला बदल होत आहेत. याचा परिणाम मानवी जीवन आणि आयुष्यावर पडू लागला आहे. यामध्ये लांबणारा पाऊस, वेळी अवेळी कधीही कोसळधार, उशिरा सुरू झालेली थंडी, कडक ऊन यामुळे कोणता ऋतु कधी सुरू होतो आणि संपतो याचा अंदाज येत नाही. अशीच काहीशी स्थिती सध्या उरण मधील वातावरणात दिसू लागली आहे. उरण मधील औद्योगिक परिसरात निर्माण होणारा धूर, रस्त्यावरील खड्ड्यांमुळे होत असलेली धूळ याचाही परिणाम होऊन वातावरणात धुळीकणाचे प्रमाण ही वाढले आहे. दिवसभर धुरके वातावरण निर्माण होणे हे हवेतील प्रदूषणाचे लक्षण असल्याची शक्यता आहे. त्यामुळे उरण मधील हवाही आता प्रदूषित झाली असल्याची शक्यता व्यक्त केली जात आहे.