नवी मुंबई : राज्यभरातून भाजीपुरवठा सुरळीत, मालवाहतूकदारांचा संप मिटल्यानंतरही परराज्यांतून कमी आवक झाल्याने दर चढे

केंद्र सरकारने मोटार वाहन कायद्यात केलेल्या दुरुस्ती विरोधात सोमवारपासून तीन दिवस मालवाहतूकदारांनी संप पुकारला होता. मात्र मंगळवारी रात्री संप मागे घेण्यात आला. तरीही काही छोट्या संघटनांनी वाहने बाहेर काढल्या नसल्याची माहिती एका ट्रक चालकाने दिली . याचा परिणाम कृषी उत्पन्न बाजारात पडला दोन दिवस दिसून आला. त्यामानाने बुधवारी गाड्या आल्या. मंगळवारी भाजी बाजारात केवळ ५१६ गाड्यांची आवक झाली तर बुधवारी ५६० गाड्यांची आवक झाली. मात्र परराज्यातील गाड्या न आल्याने आजही परराज्यातून येणाऱ्या वाटाणा, गाजर, फ्लॉवर, फरसबी अशा भाज्यांचे दर मंगळवारच्या तुलनेत चढे राहिले. मात्र राज्यातून होणारी आवक नियमित असल्याने या भाज्यांचे दर नियमित होते, अशी माहिती एपीएमसीतील व्यापारी रामदास पवळे यांनी दिली. कदाचित उद्यापासून दर स्थिर होतील अशी अपेक्षा वाशी डेपोनजीकचे किरकोळ भाजी व्यापारी दीपेश शर्मा यांनी दिली.

आणखी वाचा

हमीभावाने खरेदी होत नसल्यामुळे शेतकऱ्यांची लूट; जाणून घ्या, सोयाबीन, उडीद, मुगाला किती दर मिळतोय

Bigg Boss Marathi 5: सर्व एलिमिनेटेड सदस्यांची घरात…

टोमॅटो, कोबी, ढोबळी मिरचीच्या दरात वाढ

ठाण्यात पुन्हा कचराकोंडीची चिन्हे; डायघर प्रकल्पास ग्रामस्थांचा विरोध, देयके मिळत नसल्याने ठेकेदाराने रोखल्या घंटागाड्या

अतिवृष्टीबाधित जोगेश्वरीवासियांना नुकसान भरपाई द्या- जिल्हाधिकाऱ्यांकडे मागणी

मुनगंटीवार म्हणतात, जंगलातील वाघांना स्थलांतरित करा..

Video : फटाक्यामुळे ७ महिला भाजल्या, नागपुरातील उमरेडमध्ये गणपती विसर्जन मरवणुकीतील दुर्घटना

फिटनेस प्रमाणपत्रे नसल्याने हजारो वाहने अडकली; अत्यावश्यक वस्तूंच्या वाहतुकीवर परिणाम

हेही वाचा… दाट धुक्यामुळे रेल्वे रखडली

दोन दिवसांच्या मालवाहतूकदारांच्या संपाने भाजीत नियमित आणि स्वस्त मिळणाऱ्या मटारच्या दरात अचानक एवढी उसळी घेतल्याने आश्चर्य वाटले. गाजर सुद्धा महाग झाले आहे, अशी प्रतिक्रिया माधुरी फसवलकर या गृहिणीने दिली.

भाजी, घाऊक दर – किरकोळ दर

वाटाणा, ६५ ते ७० – १२० ते १४०

गाजर ५४ ते ५८ ८० ते ९०

फुल कोबी, २४ ते २७ – ६० ते ७०

फरसबी, ५२ ते ५५ – ७० ते ८०

हेही वाचा… पंतप्रधानांच्या हस्ते विविध प्रकल्पांच्या भव्य उदघाटनासाठी नवी मुंबई विमानतळावर सिडको मैदान बनविणार

पेट्रोल पंपांवर सुरळीत इंधन पुरवठा

दरम्यान, नवी मुंबईतील बहुतांश पेट्रोल पंपावर डिझेल आणि पेट्रोलचा साठा पुरेसा होता. तसेच पुरवठ्यात काही फरक पडला नव्हता मात्र इंधन तुटवड्याच्या बातमीने मंगळवारी बहुतांश पेट्रोल पंपावर दुपारनंतर गर्दी उसळली होती. मात्र बुधवारी सर्वत्र सुरळीत होते.