हवा प्रदूषणात नवी मुंबई आता दिल्लीच्या पंगतीत? शहरात प्रातःकाळी हवेत धुक्याची चादर

तसेच इतर विभागातील देखील हवा गुणवत्ता निर्देशांक १०० ते १५० एक्युआय पेक्षा अधिक नोंदवला आहे. नवी मुंबई महापालिका आणि प्रदूषण मंडळाकडून सुरू असलेल्या तुटपुंज्या उपाययोजनांनी शहरातील प्रदूषण थांबणार का? असा प्रश्न यानिमित्ताने उपस्थित होत आहे. नवी मुंबई शहरात मागील एक महिन्यांपासून प्रदूषणाची पातळी वाढत असून हवा गुणवत्ता ढासळत आहे . हवा गुणवत्ता निर्देशांक २०० ते ३०० एक्युआय हुन अधिक आढळत आहे. मात्र शहरात रात्रीबरोबरच आता सकाळी देखील हवेत मोठ्या प्रमाणात धुके दिसत असून उग्र दर्पवास येत आहे. त्याचबरोबर शहराचा हवा गुणवत्ता निर्देशांक वाढत असल्याचे समोर येत आहे.

हेही वाचा : बहुप्रतिक्षीत नवी मुंबई मेट्रोचे उद्घाटन पंतप्रधानांच्या हस्ते? ऑक्टोबरमधील ‘या’ तारखांची चाचपणी सुरू

दिवसेंदिवस नवी मुंबई प्रदूषणाच्या विळख्यात अडकली जात असून आता दिल्लीतील हवा प्रदूषणाशी जणू स्पर्धाच करू लागल्याचे चित्र दिसत आहे. मंगळवार पासून शहरात सकाळी हवेत धूलिकण दिसत आहेत. जनू थंडीच पडली असून धुरकट वातावरण निर्मिती होत आहे. सकाळी वाशी से.२६, २८ येथील नागरिकांना सकाळी व्यायामाला जात असताना याचा प्रत्यय आला आहे. गुरुवारी दुपारी देखील हवा गुणवत्ता निर्देशांकात शहरातील हवा अतिखराब नोंदविण्यात आलेली आहे. महाराष्ट्र प्रदूषण मंडळाच्या नोंदीनुसार शहरात सर्वाधिक नेरुळमध्ये हवा प्रदूषण नोंदविण्यात आले असून ३०० एक्युआय हवा गुणवत्ता निर्देशांक होता तर कोपरखैरणेमध्ये १४२ एक्युआय, सानपाडा १२९ एक्युआय, कोपरीपाडा वाशी १२२ एक्युआय तर बेलापूर १०३ एक्युआय नोंदविण्यात आला आहे.

हेही वाचा : नवी मुंबई: जमीन हस्तांतरण अहवाल सकारात्मक करण्यास ५० हजाराची लाच ….. आरोपी सापळ्यात अडकला 

महाराष्ट्र प्रदूषण मंडळाच्या नोंदीनुसार हवा गुणवत्ता निर्देशांक

विभाग हवा गुणवत्ता निर्देशांक
नेरूळ ३००एक्युआय
महापे-कोपरखैरणे १४२ एक्युआय
सानपाडा १२९ एक्युआय
कोपरीपाडा वाशी १२२ एक्युआय
बेलापूर १०३एक्युआय

हवा गुणवत्ता पातळी मोजमाप

० ते ५० = चांगली
५१ ते १०० = समाधानकारक
१०१ ते २०० = मध्यम
२०१ ते ३०० = खराब
३०१ ते ४०० = अति खराब
४०१ ते ५०० = तीव्र