गडहिंग्लज : विनयभंग प्रकरणी नवी मुंबईत गुन्हा दाखल; वाचा नेमका काय प्रकार आहे?

नवी मुंबई : गडहिंग्लज येथील एका संगणक केंद्राच्या मालकावर महिला कर्मचाऱ्याचा विनयभंग केल्याप्रकरणी नवी मुंबई पोलिसांनी गुन्हा दाखल केला आहे. पीडित महिलेने राष्ट्रीय महिला आयोगाकडे तक्रार केली होती. पीडिता ही गडहिंग्लज येथे राहत होती. विवाह झाल्यावर पतीसमवेत नवी मुंबईत पीडिता राहते. ऑक्टोबर २०२० ते जानेवारी २०२२ दरम्यान संगणक केंद्रात सेवेत असताना हा प्रकार घडला. पीडिता  संगणक सेवा फर्ममध्ये सेवेत असताना कार्यालयात कोणी नसताना आरोपीने गुपचूप तिचे फोटो काढले, तसेच शटर व सीसीटीव्ही कॅमेरे बंद करून तिच्यासोबत गैरवर्तन केले होते. तसेच कामानिमित्त  आरोपींसोबत कारमधून बेळगाव आणि आंबोली येथे जात असताना आरोपीने तिचा विनयभंग केला.

हेही वाचा : जेएनपीटी साडेबारा टक्केची बैठक रद्द, प्रकल्पग्रस्तांना पुन्हा प्रतीक्षा करावी लागणार?

आणखी वाचा

वरळी अपघात : मिहीर शहावर खुनाच्या आरोपाप्रकरणी खटला चालवण्याची मागणी, उच्च न्यायालयाने घेतली दखल

…तर औषधाची गरजच नाही! वाचा निरोगी आयुष्य जगण्यासाठी…

रो हाऊस प्रकल्पातील गुंतवणुकीतून, डोंबिवलीतील गुंतवणूकदारांची ८१ लाखाची फसवणूक

Mumbai Crime : विवाहबाह्य संबंध आणि दुसऱ्या महिलेपासून मूल असल्याचा पत्नीचा आरोप, पतीविरोधात गुन्हा दाखल

नायलॉन मांजाप्रकरणी मुंबईत १९ गुन्हे

कल्याणीनगर अपघात प्रकरणात पुरवणी आरोपपत्र, रक्ताचे नमुने बदल प्रकरणात आरोपीविरुद्ध आरोपपत्र

नागपूर : प्रेमविवाहाचा करुण अंत! अनैतिक संबंधाच्या संशयातून पत्नीचा खून

बेदरकारपणे गाडी चालवल्याचा आरोप : आरोपीच गाडी चालवत असल्याचे सिद्ध करण्यात पोलिसांना अपयश, शिक्षा रद्द

पीडितेचे लग्न झाल्यानंतरही आरोपीने तिचा पिच्छा सोडला नाही. तिला फोन करून सर्व काही तिच्या पतीला सांगेन, अशी धमकी देऊन तिला ब्लॅक मेल केले, असे तक्रारीत म्हटले आहे. या प्रकाराला कंटाळून शेवटी पीडितेने महिला आयोगाकडे तक्रार केली. तर याबाबत तपास करण्याच्या सूचना वाशी पोलिसांना देण्यात आल्या. वाशी पोलिसांनी यातील आरोपी रमेश करंबळी याच्या विरोधात विनयभंग करणे, लैंगिक छळ, मनात लज्जा उत्पन्न होईल असे वर्तन करणे या कलमान्वये गुन्हा दाखल केला आहे. सदर गुन्हा संबंधित पोलीस ठाण्याकडे वर्ग करण्यात आला आहे. अशी माहिती वरिष्ठ पोलीस निरीक्षक शशिकांत चांदेकर यांनी दिली.