करंजाडेवासी पाण्यासाठी सिडको भवनावर धडकले

पनवेल : पिण्याचे पाणी दिवसातून काहीच मिनिटे मिळत असल्याने पिण्याचे पाणी करंजाडे वसाहतीला कधी मिळणार याचा जाब विचारण्यासाठी करंजाडेवासीयांनी मंगळवारी सकाळी बेलापूर येथील सिडको भवनावर धडक दिली. संतापलेल्या महिलांनी हातामध्ये रिकाम्या घागरी आणि सिडको मंडळाविरोधात निषेधाचे फलक घेऊन महिला आणि जेष्ठ नागरिक मोठ्या प्रमाणात या मोर्चामध्ये सकाळी साडेअकरा वाजता धडकले. मोर्चेकरांना सिडको भवनाशेजारी अर्बनहार्ट येथील मोकळ्या जागेत थांबविण्यात आले.