उरण मधील पारंपारिक औषधी लाल तांदूळ (राता) खातोय भाव; दर वाढल्याने शेतकरी इतर पिकांकडून लाल तांदळाकडे वळतोय

हेही वाचा : उरण : करंजा-रेवस खाडी पुलाचा खर्च फुगला; ४३ वर्षांत ३०० कोटींवरून ३ हजार ४०० कोटींवर पोहोचला

उरणमध्ये या भाताचे पीक हे खाडी किनाऱ्यावरील क्षेत्रात अधिक प्रमाणावर घेतले जात होते. येथील शेतीच नष्ट झाल्याने व लाल भाकरी आणि भात हे नव्या पिढीला योग्य वाटत नसल्याने येथील नागरिकांच्या रोजच्या आहारात लाल तांदळाचे सेवन घटले आहे. मात्र अनेक संशोधनातून सध्याच्या वाढत्या धकाधकीच्या जीवनात मधुमेह, उच्च रक्तदाब आणि कमी होणारी रोगप्रतिकारक शक्ती यांच्यावर उपायकारक व पोषकतत्व यांनी युक्त अँन्टीऑक्सिडंट, वजन घटविणारी पोषक तत्वे असल्याने या भाताला मागणी वाढली आहे. त्यामुळे या भाताचे दर किलोला ७५ रुपये तर पिठाचा दर ९० रुपये झाला आहे. धाकटीजुई परिसरात पहिल्यांदाच पाऊण एकरात रात्याच्या पिकाची लागवड केली असून यावर्षी चांगले उत्त्पन्न मिळेल अशी माहिती विंधणे येथील शेतकरी दत्तात्रय नवाळे यांनी दिली आहे.