ओएनजीसी तेल गळतीमुळे उरणमधील किनारा बाधीत; मच्छिमारांचे पंचनामे करण्याची कोकण किनारा मच्छिमार संघटनेची मागणी

उरण : ओएनजीसीच्या तेल गळतीमुळे उरणमधील सागरी किनारा बाधीत झाला आहे. त्यामुळे नुकसानग्रस्त मच्छिमारांचे पंचनामे करून भरपाई देण्याची मागणी कोकण किनारा मच्छिमार संघटनेने केली आहे. याचे निवेदन शनिवारी उरणच्या तहसीलदारांना देण्यात आले आहे. उरणच्या पिरवाडी- नागाव किनाऱ्यावरील ओएनजीसी प्रकल्पातून तेल गळती झाली आहे. हे गळती झालेले तेल नाल्यातून भरतीमुळे समुद्राच्यावाटे शेजारील केगाव- दांडा, तसेच करंजा,आवरे सह खाडीमार्गे तालुक्यातील अनेक किनाऱ्यावर पोहचले आहे.