पनवेल : अहमदनगर दक्षिण लोकसभा मतदारसंघातील डॉ. सुजय विखे पाटील यांच्या प्रचारासाठी पारनेर जिल्ह्यातील मूळ रहिवाशांनी कामोठे येथील संवाद सभेसाठी लाखो रुपयांच्या खर्चामुळे ही सभा सर्वात चर्चेत ठरली. डॉ. सुजय यांच्यासाठी कामोठे वसाहतीच्या मुख्य रस्त्यावरुन ढोलताशांच्या गाजावाजात आणि फटाक्यांच्या आतषबाजीत दिड किलोमीटर अंतरावर खुल्या जीपमधून रोडशो करुन डॉ. सुजय यांना संवादसभे ठिकाणी आणण्यात आले. पोलीस ठाण्यासमोरच वाहतूक कोंडीत त्यांच्या गळ्यात क्रेनमधून भव्य फुलांचा हार घालण्यात आला. सभेमध्ये प्रत्येक वक्त्याच्या भाषणात फटाक्यांची आतषबाजी, गीतगायनाचा कार्यक्रम आणि सभेनंतर तीन हजार रहिवाशांसाठी जेवण या साऱ्या भव्य नियोजनामुळे सभेचा आर्थिक खर्च अर्थात लाखोंचा होता. जेवढा खर्च डॉ. सुजय यांच्यासाठी आयोजकांनी कामोठे सभेत केला तेवढा खर्च अद्याप मावळ मतदारसंघात दोनवेळा निवडूण आलेल्या शिवसेनेचे श्रीरंग बारणे यांनी आतापर्यंत कामोठेवासियांसाठी केला नसल्याने आश्चर्य व्यक्त केले जात आहे. या खर्चाचा तपशील निवडणूक आयोग तपासून पाहणार का अशी चर्चा पनवेलमध्ये सूरु आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
