पनवेलमध्ये १०० रुपयांत टँकर; आणखी आठ दिवसांच्या पाणीकपातीवर मात करण्यासाठी सिडको मंडळाचे टँकर पुरविण्याचे आदेश

करंजाडे येथील नागरिकांनी एका सोसायटीत दिवसाला चार टँकर पाणी लागत असून एका टँकरसाठी दोन हजार रुपये मोजावे लागत असल्याने रहिवासी वैतागले आहेत. त्यामुळे सिडको मंडळाने एक टँकर पाणी (१० हजार लिटर) शंभर रुपयांमध्ये संबंधित गृहनिर्माण संस्थेला पोहोच करण्याचा निर्णय घेतल्याची माहिती सिडको मंडळाच्या जनसंपर्क विभागाच्या मुख्य जनसंपर्क अधिकारी प्रिया रातांबे यांनी दिली. तसेच टँकरसाठी लागणारी शंभर रुपये रक्कम कोणत्याही कर्मचाºयाच्या हाती न देता संबंधित गृहनिर्माण संस्थेच्या पाणीपुरवठ्याच्या देयकामध्ये त्याचा समावेश केला जाईल, असे सिडकोने स्पष्ट केले आहे; परंतु पाणीकपात सुरू असल्याने नागरिकांनी पाणी जपून वापरावे, असे सिडकोच्या पाणीपुरवठ्याने आवाहन केले आहे.

आणखी वाचा

राज्यात प्रथमच ॲक्युपंक्चर उपचार पद्धतीची १२ महाविद्यालये

Chastity Belt: योनी शुचिता पट्ट्याचा इतिहास आणि त्यामागील…

राज्यात ५० हजार एकर द्राक्षबागेवर कुऱ्हाड ? जाणून घ्या, नोटबंदी, कोरोना टाळेबंदी, नैसर्गिक आपत्तींचा परिणाम

२६ हजार घरांच्या सोडत प्रक्रियेस मुदतवाढीचा प्रस्ताव विचाराधीन

विश्लेषण : महाराष्ट्रात ४३ मंत्रीच? मंत्रिमंडळात मंत्र्यांची संख्या किती असते? या संख्येवर बंधने का असतात?

पुण्यात म्हाडाचे १६ मजली व्यावसायिक संकुल; आतापर्यंतचा म्हाडाचा सर्वात मोठा अनिवासी प्रकल्प

कांद्याच्या बोगस पीकविम्याचे पेव फुटले; जाणून घ्या, जिल्हानिहाय कांद्याचा बोगस पीकविमा

भुयारी मेट्रोकडे मुंबईकरांची पाठ, दुसऱ्या महिन्यात प्रवासी संख्येत ६८ हजारांहून अधिकने घट

हेही वाचा : नवी मुंबई : २६ नोव्हेंबरला होणाऱ्या मॅरेथाॅन मार्गात बदल

आज आसूडगाव, खांदा कॉलनी येथे पाणीकपात

शनिवारी आसूडगाव, खांदा कॉलनी, त्यानंतर रविवारी नवीन पनवेल पूर्व बाजूकडील, त्यानंतर सोमवारी पनवेल पालिका आणि पोदी येथे पाणीकपात केली जाणार आहे. या कालावधीत या परिसरातील नागरिकांना पाणीटंचाई भासू नये यासाठी सिडको मंडळाने संबंधित वसाहतींच्या पाणीपुरवठा कार्यालयाकडे रहिवाशांनी तक्रार केल्यावर तेथील पाणीपुरवठा अभियांत्रिकी विभागातील अभियंते खरोखरच टंचाई आहे का याची चाचपणी केल्यानंतर टँकरने पाणीपुरवठा संबंधित गृहनिर्माण संस्थेला केला जाणार आहे.