उरणमध्ये सात फुटी जखमी अजगराला सर्पमित्रांकडून जीवदान

उरण : तालुक्यातील चिरनेर येथील एका शेतकऱ्याच्या शेताच्या तळ्यावर आलेल्या सात फुटी अजगराला सर्प मित्रांनी जीवदान दिले आहे. हा अजगर जखमी असल्याने त्याला उपचारासाठी पुणे येथे नेण्यात आले आहे. चिरनेरमध्ये भक्षाच्या शोधात आलेला सात फुटी अजगर जाळ्यात अडकून पडला असल्याची माहिती फ्रेंड्स ऑफ नेचरचे अध्यक्ष जयवंत ठाकूर, त्यांची कन्या सृष्टी ठाकूर व त्यांचे सहकारी गौरव वशेणीकर यांना मिळताच, त्यांनी आपल्या इतर सहकाऱ्यांच्या सोबत घटनास्थळ गाठले. आणि सर्पमित्र जयवंत ठाकूर यांनी या अजगराची सोडवणूक करून त्याला जीवदान दिले.