उरण: कोरड्या पाणवठ्यात वन्यजीवांसाठी पाणी भरण्याचा उपक्रम

हेही वाचा :नवी मुंबईत ५३५ आणि पनवेलमध्ये ७९ धोकादायक बांधकामे

सध्या पारा ४० अंश पार जाऊ लागला आहे. त्यामुळे घरातून कामाशिवाय बाहेर पडू नका, उष्णतेपासून संरक्षण करा, उन्हाळ्यात सुरक्षा म्हणून साहित्य वापरा आदी सूचना केल्या जात आहेत. मात्र माणसाप्रमाणेच वन्यजीवांच्या जिवालाही या वाढत्या उष्णतेची झळ पोहचत आहे. त्यातच जंगलातील नैसर्गिक पाण्याचे स्राोत कमी झाले आहेत किंवा नष्ट केले आहेत. त्यामुळे वन्यजीवांची होणारी काहिली थांबविण्यासाठी चिरनेरच्या फ्रेंड्स ऑफ नेचर या संस्थेचे संस्थापक जयवंत ठाकूर आणि त्यांच्या सहकाऱ्यांनी मिळून ड्रमच्या साहाय्याने दुरून पाणी वाहून आणीत कोरडे झालेले पाणवठे पुन्हा भरण्याचे काम सुरू केले आहे. परिसरातील वन्यजीवांची अधिवास असलेल्या जंगल आणि डोंगर परिसरात माती काढण्यासाठी सपाटीकरण सुरू आहे. त्यामुळे वन्यजीवांची आणि पक्ष्यांची स्थाने उद्ध्वस्त केली जात आहेत.