सिडकोच्या २६ हजारांच्या महागृहनिर्माण सोडत प्रक्रियेला महिन्याभराची मुदतवाढ

दस-याच्या दिवशी वाशी, खारघर, मानसरोवर रेल्वेस्थानक, खांदेश्वर रेल्वेस्थानक आणि तळोजा या परिसरातील २६ हजार घरांसाठी सिडको मंडळाने सोडत प्रक्रियेला सूरुवात केली. सोडत प्रक्रिया सूरु झाल्यावर विधानसभा निवडणूकीची आचारसंहिता जाहीर झाली. या योजनेत पहिल्यांदी सिडको मंडळाने सोडत प्रक्रियेसोबत इच्छुक अर्जदारांनी त्यांची पात्रतेची कागदपत्र जोडण्याची अट ठेवल्यामुळे ही सर्व कागदपत्र मिळविण्यासाठी इच्छुकांना पुरेसा वेळ मिळण्यासाठी अर्जदारांकडून मुदवाढीची मागणी केली जात होती. अखेर सिडको मंडळाचे व्यवस्थापकीय संचालक विजय सिंघल यांनी नागरिकांकडून होणा-या मागणीचा विचार करुन ११ डिसेंबरपर्यंत या योजनेतील सोडत प्रक्रियेसाठी अर्जनोंदणीला मुदतवाढ दिली. ‘माझे पसंतीचे सिडकोचे घर’ असे या योजनेचे नाव असून योजनेच्या पहिल्याच दिवशी १२ हजार ४०० अर्जदारांनी त्यांची नोंदणी केल्याने या योजनेला उंदड प्रतिसाद मिळेल असे बोलले जात होते. मात्र सिडको मंडळाने घरांच्या किंमती गुलदस्त्यात ठेवल्याने इच्छुकांचा हिरमोड झाला. पुढील वर्षी नवी मुंबई आंतरराष्ट्रीय विमानतळातून मालवाहू वाहतूक सूरु करण्यासाठी सिडको मंडळाच्या जोरदार हालचाली सूरु असल्याने सिडकोच्या २६ हजार घरांच्या सोडतीला चांगला प्रतिसाद मिळेल अशी चर्चा आहे.   

आणखी वाचा

२६ हजार घरांच्या सोडत प्रक्रियेस मुदतवाढीचा प्रस्ताव विचाराधीन

कल्याण मारहाण प्रकरण: “तो म्हणाला मुख्यमंत्री कार्यालयातून एक…

सेवानिवृत्तवेतन धारकांच्या मदतीला टपाल विभाग, जिल्ह्यात १७०० पेक्षा अधिक जणांना डीएलसी योजनेचा लाभ

म्हाडा कोकण मंडळ सोडत २०२४ : २२६४ घरांच्या सोडतीला अखेर १५ दिवसांची मुदतवाढ, २५ डिसेंबरपर्यंत अर्जविक्री-स्वीकृती प्रक्रिया

म्हाडाच्या विशेष मोहिमेला अखेर चांगला प्रतिसाद; ५५०० जणांकडून घरासाठी चौकशी, प्रत्यक्षात २५० जणांनी अनामत रक्कमेसह अर्ज केले दाखल

लाखो बहिणी नावडत्या; ‘लाडकी बहीण’ योजनेच्या सर्व अर्जांची छाननी,वाढत्या तक्रारींच्या पार्श्वभूमीवर आदिती तटकरेंची घोषणा

धारावीतील ३०० हून अधिक रहिवाशांना १० कोटी रुपयांचा वैद्यकीय विमा

गाळप करणाऱ्या कारखान्यांची संख्या घटली; जाणून घ्या, यंदाच्या हंगामातील सद्यस्थिती

हे ही वाचा… उरण : आंतरभरती प्रवाह बंद झाल्याने पाणजे पाणथळ कोरडी

हे ही वाचा… शिवसेना (शिंदे) पक्षातील सात जणांची हकालपट्टी

आर्थिकदृष्ट्या दुर्बल घटक (इडब्ल्यूएस) आणि अल्प उत्पन्न गटासाठी (एलआयजी) या उत्पन्न गटातील नागरिक या योजनेसाठी अर्ज भरु शकतील. ६ लाख रुपयांपेक्षा अधिक वार्षिक उत्पन्न असणारे सर्वच नागरीक एलआयजी श्रेणीत या योजनेत अर्ज करत असल्याने वर्षाला २० ते ३० लाख रुपये उत्पन्न असणा-या नागरिकांनी या योजनेसाठी अर्ज भरले आहेत. तळोजा परिसरात प्रदूषणाचा त्रास जास्त असला तरी या परिसरातील १३ हजार घरांचा समावेश या सोडत प्रक्रियेत करण्यात आला आहे. या योजनेत घरासाठी इच्छुक नागरीक सिडको मंडळाच्या https:\.cidcohomes.com  संकेतस्थळावर अर्ज करण्यासाठी भेट देऊ शकतील असे आवाहन सिडको मंडळाने केले आहे.