राहुल गांधी यांच्या निषेधार्थ मनसेकडून मुंबई-पुणे द्रुतगती महामार्ग रोखण्याचा प्रयत्न

कळंबोली मनसे शहराध्यक्ष अमोल बोचरे यांच्या मार्गदर्शनाखाली हे आंदोलन करण्याचा प्रयत्न करण्यात आला. कळंबोली पोलीस ठाण्याचे वरिष्ठ पोलीस निरीक्षक संजय पाटील हे पोलिसांसोबत तेथे उपस्थित होते. पोलिसांची संख्या अधिक असल्याचे समजताच द्रुतगती महामार्गापासून काही अंतरावर शीव पनवेल महामार्गावर मनसैनिक दूर झाले. राहुल गांधी यांच्या विरोधात घोषणा देत शीव पनवेल महामार्ग रोखून धरण्यासाठी जात असताना कळंबोली पोलिसांनी त्यांची धरपकड केली.