उरण : जवाहरलाल नेहरू बंदर प्राधिकरण आणि टर्मिनल इन्व्हेस्टमेंट लिमिटेड एसएआरएल (टीआयएल) यांच्या वाढवण बंदराच्या बांधकामासाठी वीस हजार कोटींचा करार करण्यात आला आहे. वाढवण पोर्ट प्रोजेक्ट लिमिटेडच्या बांधकामासाठी सामंजस्य करारावर स्वाक्षरी करण्यात आली आहे.
या भागीदारीद्वारे भारतातील बंदर पायाभूत सुविधा सुधारण्यासाठी आणि वाढवण बंदराला भविष्यातील जागतिक दर्जाचे बंदर बनवण्यासाठी जेएनपीए सहमती दर्शविली आहे. या करारावर जे एन बंदर प्राधिकरणाचे अध्यक्ष उन्मेष शरद वाघ आणि सीएमडी, वाप प्रकल्प लिमिटेडचे कॅप्टन दीपक तिवारी यांनी स्वाक्षरी केली आहे. या सामंजस्य करारानुसार टीआयएलने वाढवण बंदर आणि आसपासच्या परिसंस्थेच्या विकासासाठी अंदाजे वीस हजार कोटी रुपयांची गुंतवणूक करण्याचा प्रस्ताव दिला आहे.
हेही वाचा >>>रविवार आरोग्य सफरीचा पाम बीच मार्ग, दर रविवारी क्रीडाप्रेमींसाठी खुला करण्याचा आयुक्तांचा प्रस्ताव
या करारानुसार टर्मिनल इन्व्हेस्टमेंट लिमिटेड एसएआरएल भारताच्या सागरी विकासासाठी आपली दृढ वचनबद्धता दर्शवली आहे. ही भागीदारी केवळ भारताच्या सागरी क्षेत्रातील जागतिक गुंतवणूकदारांचा विश्वास दर्शवत नाही तर अत्याधुनिक तंत्रज्ञान, शाश्वत पद्धती आणि जागतिक दर्जाच्या पायाभूत सुविधांचे एकत्रिकरण सुनिश्चित करते. कार्यक्षमतेत आणि नावीन्यतेमध्ये नवीन मापदंड स्थापित करणारी पत्तन परिसंस्था तयार करण्याचे आमचे ध्येय असल्याचे मत जेएनपीएचे अध्यक्ष उन्मेष शरद वाघ यांनी व्यक्त केले.
