पनवेल : दर महिन्याच्या वेतनाची ७ नव्हे तर १० तारीख उलटूनही राज्य परिवहन महामंडळाच्या कर्मचाऱ्यांना जून महिन्याचे वेतन न मिळाल्याने कर्मचाऱ्यांनी शुक्रवारी पनवेल आगार येथे घंटानाद करुन आंदोलन करुन शासनाचे लक्ष वेधण्याचा प्रयत्न केला. हेही वाचा.पनवेल : भावाकडून बहिणीवर अत्याचार प्रत्येक ऋतूमध्ये तसेच सणासुदीत एसटी गाड्या चालवून प्रवाशांना त्यांच्या निश्चितस्थळी सूरक्षित पोहोचविणाऱ्या एसटी कामगारांना मागील महिन्याचे वेतन न मिळाल्याने एसटी कामगारांसोबत प्रवाशांच्यावतीने संताप व्यक्त केला जात आहे. पनवेलप्रमाणे मुंबई विभागातील विविध आगारामध्ये कर्मचाऱ्यांच्यावतीने आंदोलन करण्यात आले.
