पनवेल : कामावरून घरी परतत असलेल्या महिलेचा स्थानकाजवळ खून

नवीन पनवेल वसाहतीमध्ये रेल्वेस्थानकाजवळील रिक्षा थांब्याच्या परिसरात एका प्रवासी महिलेचा चाकू भोसकून खून करण्यात आला. ही घटना गुरुवारी रात्री दहा वाजता घडली. मृत महिलेचे नाव प्रियंका रावत असे आहे. २९ वर्षीय प्रियंका या कामावरुन घरी जात असताना ही घटना घडली. प्रियंका या विहीघर येथील महालक्ष्मी सोसायटीत राहत होत्या. खांदेश्वर पोलीस ठाण्यात या घटनेनंतर खूनाचा गुन्हा दाखल करण्यात आला असून वरिष्ठ पोलीस निरीक्षक सुभाष कोकाटे व पोलिस पथक खून्याचा शोध घेत आहेत. या घटनेमुळे प्रवासी महिलांचा सुरक्षेचा प्रश्न पुन्हा एकदा ऐरणीवर आला आहे.