नवी मुंबई मेट्रो सुसाट, लवकरच बेलापूर-पेणधर मेट्रोची ताशी ६० प्रति किलोमीटर वेगाने धाव

सिडको महामंडळाने बांधलेल्या नवी मुंबई मेट्रोचे संचलन सध्या महाराष्ट्र मेट्रो रेल कॉर्पोरेशन लिमिटेड (महामेट्रो) कंपनीमार्फत सुरू आहे. आतापर्यंत ६० लाख प्रवाशांनी या मेट्रोसेवेचा लाभ घेतला आहे. सिडकोला तिकीट दरातून १४ कोटी ५० लाख रुपये महसूली उत्पन्न मिळाले आहे. बेलापूर ते पेणधर या ११.१ किलोमीटरच्या अंतरावर ११ विविध मेट्रो स्थानके आहेत. २० जानेवारीपासून सिडकोने मेट्रो मार्गावर सर्वाधिक गर्दीच्या वेळांमध्ये दर दहा मिनिटांनी मेट्रोची फेरी सुरू केली आहे. गर्दीच्या वेळेत बेलापूर येथून सकाळी साडेसात ते १० वाजता आणि सायंकाळी साडेपाच ते आठ वाजेपर्यंत तर पेणधर येथून सकाळी सात ते साडेनऊ आणि सायंकाळी पाच ते साडेसात दरम्यान दर दहा मिनिटांनी मेट्रोची फेरी झाली आहे. गर्दीच्या वेळा वगळता उर्वरित वेळांमध्ये बेलापूर व पेणधर येथून दर १५ मिनिटांनी मेट्रो धावत आहे.

आणखी वाचा

100 Years of EMU Trains: विजेवर धावलेल्या ऐतिहासिक लोकल ट्रेनला १०० वर्षे पूर्ण; CSMT ते कुर्ला पहिली EMU कशी धावली?

Economic Survey: आर्थिक सर्वेक्षण अहवाल सांगतोय २०२५ हे…

कल्याण-शिळफाटा रस्त्यावर शुक्रवारपासून हलक्या वाहनांसाठी पर्यायी रस्ते; जड, अवजड वाहनांच्या वाहतुकीला चार ठिकाणी बंदी

एमएमआरडीएच्या पायाभूत सुविधा प्रकल्पांना अर्थबळ; १२ हजार कोटींच्या कर्जासाठी राज्य सरकारची हमी

अत्यंत वर्दळीचा शिळफाटा रस्ता फेब्रुवारीत पाच दिवस बंद रहाणार, वाचा सविस्तर…

Vidyut Jammwal : “दररोज पाच मिनिटे श्वासोच्छ्वासाचा व्यायाम करणे हे १० किलोमीटर धावण्याइतके फायदेशीर” अभिनेता विद्युत जामवालचा दावा; जाणून घ्या, तज्ज्ञ काय सांगतात

वाढवण-इगतपुरी महामार्गात निधीटंचाईचा ‘गतिरोधक’; संपूर्ण महामार्गच ‘एनएचएआय’कडे देण्याचा मुख्य सचिवांच्या बैठकीत सूर

पुणे : शिवजयंती महोत्सवासाठी या सुविधा द्या, शिवभक्तांची महापालिकेकडे मागणी !

नवी मुंबई मेट्रोला नुकतेच आयएसओ ९००१ – २०१५ हे मानांकन मिळाले आहे. गुणवत्ता व्यवस्थापन, व्यावसायिक स्वास्थ्य तथा सुरक्षा व्यवस्थापन आणि पर्यावरण व्यवस्थापन प्रणाली ही तीनही आयएसओ मानांकने प्राप्त करणारी राज्यातील एकमेव मेट्रो सेवा आहे. जानेवारी महिन्यात नवी मुंबई मेट्रोच्या गतीची चाचणी घेण्यात आली असून अद्याप चाचणीचे प्रमाणपत्र सिडकोला मिळाले नाही. परंतु मेट्रोला प्रतिताशी ८० किलोमीटरच्या वेगाचे प्रमाणपत्र मिळाल्यानंतर सरळ मेट्रोच्या मार्गिकेवर जास्तीत जास्त प्रतिताशी ७० किलोमीटरच्या वेगाने मेट्रो धावू शकेल. मात्र मेट्रोच्या वळण मार्गावर मेट्रोची गती कमी राहील. मेट्रोच्या वेगचाचणीचे प्रमाणपत्र मिळाल्यानंतर स्वयंचलित धावणारी संचलनाचे प्रमाणपत्र मिळाल्यानंतर मेट्रोची गती वाढविली जाणार आहे. पुढील दीड महिन्यात वेग चाचणीचे प्रमाणपत्र मिळाण्याची अपेक्षा आहे. त्यानंतर नवी मुंबई मेट्रोतून प्रवाशांना अवघ्या पंधरा मिनिटांत बेलापूर ते पेणधर या मार्गिकेवर प्रवास करता येईल. सिडकोच्या जनसंपर्क विभागाच्या प्रमुख प्रिया रातांबे यांना याबाबत विचारले असता त्यांनी याबाबत माहिती घेऊन प्रतिक्रिया देते असे सांगितले.

• बेलापूर ते पेणधर या ११.१ किलोमीटरच्या अंतरावर ११ स्थानके
• आतापर्यंत ६० लाख प्रवाशांनी घेतला मेट्रोसेेवेचा लाभ
• सिडकोला तिकीट दरातून १४ कोटी ५० लाख रुपये महसूली उत्पन्न
• २० जानेवारीपासून सर्वाधिक गर्दीच्या वेळांमध्ये दर दहा मिनिटांनी मेट्रोची फेरी
• उर्वरित वेळांमध्ये बेलापूर व पेणधर येथून दर १५ मिनिटांनी मेट्रो