आंदोलनामुळे झालेली कचराकोंडी अथक प्रयत्नांनंतर दूर

नवी मुंबई शहरात समाज समता कामगार संघाशी संबंधित कर्मचाऱ्यांनी सकाळपासूनच स्वच्छतेच्या कामाला सुरवात न करता आंदोलनाची भूमिका घेतली होती. त्यामुळे कचरा वाहतूकीत अडथळा निर्माण झाला होता. त्यामुळे शहरात बेलापूर ते दिघा या सर्वच परिसरात विविध ठिकाणी रस्त्यावरच कचऱ्याचे ढीग पाहायला मिळाले. कामगारांनी संप तात्पुरता मागे घेतल्यानंतर नवी मुंबई महापालिकेचे आयुक्त तसेच अतिरिक्त आयुक्त व घनकचरा विभागाचे उपायुक्त संतोष वारुळे व डॉ. अजय गडदे यांच्या प्रयत्नांतून रात्रभर कचरा उचल्याने काम करण्यात आले त्यामुळे मंगळवारी सकाळी विविध भागात स्वच्छतेबाबतची पूर्ववत स्थिती पाहायला मिळाली.

पालिकेने स्वच्छतेबाबत खबरदारी घेतली होती. आंदोलन मागे घेतल्यानंतर कंत्राटी कामगार व इतर कामगारांच्या मदतीने काही तासात ७०६ टन कचरा उचलून डंपिंग ग्राऊंडवर नेण्यात आला होता. – संतोष वारुळे ,उपायुक्त घनकचरा विभाग परिमंडळ २