नवी मुंबई- नवी मुंबई महापालिकेची स्थापना ३० वर्षापूर्वी झाली.तेव्हापासून नवी मुंबई महापालिकाक्षेत्रात पालिकेने केलेल्या दर्जेदाक कामामुळे नवी मुंबई शहराला महाराष्ट्रात व देशात नावलौकीक मिळालेला आहे. नवी मुंबई शहर देशात स्वच्छतेतही आघाडीवर आहे. परंतू याच शहरात विविध शासकीय आस्थापनांच्या परवानगीमुळे अनेक कामे नियमांच्या चौकटीमुळे अडकलेली आहेत. एकीकडे सीआरझेड तसेच काही ठिकाणी एमसीझेडएमच्या परवानगीविना विकासात्मक कामांना अडथळा येतो. नवी मुंबई सर्वाधिक वेगाने विकसित झालेला परिसर म्हणजे सीवूडस .याच सीवूड्स रेल्वेस्थानकाच्या नजिक सेक्टर ५० पन्नास येथे पालिका स्थापनेपासूनच नवी मुंबई पालिका मुख्यालयाकडे जाणारा नाल्यावरील पूल अर्धवट स्थितीत आहे.त्यामुळे एकाच दिशेच्या मार्गावर दोन्हीकडील वाहतूक सुरु आहे,परंतू जवळजवळ ३० वर्षानंतर हा नाल्यावरील पूल दृष्टीक्षेपात येईल असे चित्र आहे.एमसीझेडएम कडून याठिकाणचे काम करण्यास हिरवा कंदिल मिळाला असून पालिकेने येथील कामासाठी ६ कोटीच्या कामाचा प्रस्तावही तयार ठेवला असल्याची माहिती पालिका प्रशासनाने दिली आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
