नवी मुंबई : स्पोर्ट अथाॅरिटी ऑफ इंडिया यांच्या मान्यतेने खेलो इंडिया वुमन्स पिंच्याक सिलॅट लिग स्पर्धेचे आयोजन महाराष्ट्र पिंच्याक सिलॅट असोसिएशन क्राईस्ट अकॅडमी स्कूल, कोपरखैरणे येथे २६ ते २७ ऑगस्टला करण्यात आले होते. या स्पर्धेत नवी मुंबईच्या खेळाडूंनी आपले वर्चस्व प्रस्थापित केले आहे. या स्पर्धा सर्व वयोगटातील मुलींसाठी घेण्यात आल्या असून या स्पर्धेमध्ये महाराष्ट्रातील २२ जिल्ह्यातील ५३५ खेळाडूंनी सहभाग घेतला होता. स्पर्धेत प्रथम क्रमांकाचे सांघिक चषक पद, २५ सुवर्ण, ५ रौप्य, १४ कांस्य सर्वाधिक पदकासह नवी मुंबई संघाने पटकावले. त्याप्रमाणे द्वितीय क्रमांकाच सांघिक चषक पद ११ सुवर्ण, ९ रौप्य, १५ कांस्य पदकासह सांगली संघाने पटकावले आणि तृतीय क्रमांकाचे चषक पद १० सुवर्ण, ८ रौप्य, १३ कांस्य पदकासह पुणे ग्रामीण संघाने पटकावले. किशोर येवले यांनी महाराष्ट्र ऑलम्पिक असोसिएशनचे महासचिव नामदेव जी. शिरगावकर यांचा सत्कार करून पिंच्याक सिलॅट खेळाचा समावेश गोवा येथे होणाऱ्या ३७ व्या राष्ट्रकुल स्पर्धेमध्ये झाल्याची माहिती दिली.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
