महायुतीची मतपेरणी, पंतप्रधान नरेंद्र मोदी यांच्या प्रचार सभेत विकास प्रकल्पांवर भाष्य

राज्यात विधानसभा निवडणुकीत निवडणुकीच्या शेवटच्या टप्प्यातील प्रचारास सुरुवात झाली असून महायुती आणि महाविकास आघाडीकडून जाहीर सभांचे आयोजन करण्यात येत आहे. अशाच प्रकारे गुरुवारी खारघर येथील सेंट्रल पार्कजवळील मैदानात पंतप्रधान नरेंद्र मोदी यांची सभा पार पडली. कोकण विभागातील महायुतीच्या उमेदवारांसाठी ही सभा आयोजित करण्यात आली होती. या सभेमध्ये महायुतीच्या नेत्यांनी मुंबई महानगर प्रदेशात सुरू असलेल्या प्रकल्पांचा उल्लेख करत या प्रकल्पांच्या माध्यमातून एक प्रकारे मतपेरणी केल्याचे चित्र दिसून आले.

आणखी वाचा

मोठी बातमी! केंद्रीय मंत्रिमंडळाची ‘एक देश, एक निवडणूक’ विधेयकाला मंजुरी

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

पंतप्रधान मोदी देशभरातील मुख्य सचिवांशी साधणार दोन दिवस संवाद

Parliament Session : सभापतींना हटवण्यावरून राज्यसभेत गोंधळ, सलग दुसऱ्या दिवशी सभागृहाचं कामकाज स्थगित

ईव्हीएम यंत्राविरोधात धर्मराज्य पक्षाकडून आंदोलनाला सुरूवात; शहरातील चौका-चौकात ईव्हीएम हटविण्यासाठी मतदान

No Confidence Motion : भारताच्या संसदीय इतिहासातील सर्वात मोठी घटना, राज्यसभा सभापतींच्या विरोधात अविश्वास प्रस्ताव

विधानभवन परिसराचा कायापालट, अध्यक्षपदी फेरनिवड होताच राहुल नार्वेकर यांचा पुनरुच्चार; सेंट्रल विस्टाच्या धर्तीवर विकास

MLA Sharad Sonawane : अपक्ष आमदाराची महायुतीकडे मंत्रिपदाची मागणी, विधानभवनाच्या पायऱ्यांवर बसत झळकावला फलक

हेही वाचा : खारघर मोदीमय! भाजपचे हजारो कार्यकर्ते खारघरमध्ये दाखल

अटल सेतू प्रकल्पामुळे रायगड जिल्ह्याच्या इतिहासात वेगळा अध्याय लिहिला गेला आहे. या प्रकल्पामुळे विकासाला चालना मिळाली आहे. विमानतळ प्रकल्पामुळे या भागाचा चेहरामोहरा बदलणार आहे. औद्याोगिकीकरण, मल्टीमॉडेल कॉरिडॉर, रस्ते जाळे, भुयारी मार्ग, मेट्रो अशा प्रकल्पांची कामे सुरू आहेत. यामुळे तरुणांना रोजगाराची संधी मिळेल, असे मत पनवेलचे आमदार प्रशांत ठाकूर यांनी सभेत बोलताना व्यक्त केले. पंतप्रधान मोदी यांच्या नेतृत्वाखाली महायुतीने कोकणच्या विकासाचे दार खुले केले आहे. औद्याोगिक क्षेत्रात राज्य प्रथम क्रमांकावर असून परकीय गुंतवणूकही राज्यात होत आहे, असे प्रतिपादन राष्ट्रवादी (अजित पवार) पक्षाचे प्रदेशाध्यक्ष सुनील तटकरे यांनी केले.

पंतप्रधान मोदी यांनी तळोजामधील ८३ हजार कोटींचा सेमीकंडक्टर चिप उत्पादन प्रकल्प, पनवेल-कर्जत रेल्वे कॉरिडॉरसाठी २७०० कोटींचा दुहेरी रूळ प्रकल्प, प्रधानमंत्री आवास योजनेअंतर्गत ८६ हजार घरांचा महागृहनिर्माणाचा प्रकल्प, अटल सेतूचा प्रकल्प अशा प्रकल्पांचा उल्लेख भाषणात केला.

हेही वाचा : पंतप्रधानांच्या आगमनाच्या अखेरच्या क्षणापर्यंत सरकारची स्वच्छ खारघर मोहीम सुरूच

राज्याचे नशीब बदलेल

नवी मुंबई आंतरराष्ट्रीय विमानतळ प्रकल्पासाठी २० हजार कोटी रुपये खर्च केले जात आहेत. ८० हजार कोटी रुपये खर्च करून वाढवण बंदराचे निर्माण केले जात आहे. ५० हजार कोटी रुपयांचा समृद्धी महामार्ग, मुंबई कोस्टल महामार्गामुळे रायगड जिल्हा मुंबईला जवळ येणार आहे. आशिया खंडातील दुसऱ्या क्रमांकाचे डेटा पार्क तळोजामध्ये ३० हजार कोटी रुपये खर्च करून उभारले जात आहे. त्यामुळे रायगड व पनवेल हे ए.आय. आणि डेटा पार्कमुळे नवे केंद्र बनणार आहे. तसेच या प्रकल्पामुळे राज्याचे नशीब बदलेल, असे विधान मोदी यांनी केले.