सिडको वसाहतींमध्ये पाणीटंचाई; २० टक्के पाणीकपातीमुळे नागरिक हवालदिल, उरणवासीयांना मात्र कपातीपासून दिलासा

सध्या रायगड जिल्ह्यात अतिवृष्टीमुळे काम असल्यावरच बाहेर पडण्याचा सल्ला हवामान विभागाकडून नागरिकांना दिला असला, तरी पिण्याचे पाणी घरातील नळांना येत नसल्याने खारघरवासीयांवर पिण्याच्या पाण्याचा बाटला दुकानातून चढ्या भावाने खरेदी करण्याची वेळ आली आहे.

आणखी वाचा

Ladki Bahin Yojana : लाडक्या बहि‍णींना १५०० रुपयांऐवजी २१०० रुपयांचा हप्ता कधीपासून मिळणार? आदिती तटकरेंनी दिली महत्वाची माहिती

Shiv Sena : महाराष्ट्राला लवकरच तिसरा उपमुख्यमंत्री मिळणार,…

कालवा सल्लागार समिती बैठकांची सूत्रे जलसंपदा मंत्र्यांकडे, पालकमंत्र्यांअभावी पुढाकार

ठाणे : “पाणीपुरवठा सुरळीत होईपर्यंत मागे हटणार नाही”, संतप्त नागरिकांचा पाणीपुरवठा कार्यालयात ठिय्या

नागपुरात होणार ‘अपेडा’चे प्रादेशिक कार्यालय; जाणून घ्या, मुख्यमंत्री देवेंद्र फडणवीस यांनी कसा पुढाकार घेतला

महामुंबईच्या पाण्याची आता कोंढाणेवर मदार; सात वर्षांनंतर धरणाच्या बांधणीसाठी हालचालींना वेग

आम्हाला देण्यासाठी पाणी नाही मग, टँकरचालकांना कसे मिळते; घोडबंदरवासियांनी विचारला पालिका अधिकाऱ्यांना सवाल

अवाढव्य वाढलेल्या ठाण्याची तहान वाढीव पाणी पुरवठा भागवेल का?

हेही वाचा >>> द्रुतगती महामार्गावर अपघाताच्या वेळी सुरक्षेसाठी फक्त सहा पोलीस!

हेटवणे धरणाची क्षमता १४४ दशलक्ष घनमीटर एवढी असून सध्या ५० टक्के पाणीसाठा धरणात आहे. जुलैअखेर किंवा ऑगस्टच्या मध्यापर्यंत पाऊस असाच सुरू राहिल्यास ७० टक्केपेक्षा धरण भरेल अशी अपेक्षा आहे. त्यामुळे सिडकोवासीयांना आणखी महिनाभर पाणीकपातीचा सामना करावा लागणार आहे. खारघर वसाहतीला ८५ दशलक्ष लिटर पाण्याची गरज आहे. मात्र या वसाहतीला ७५ दशलक्ष लिटर पाणीपुरवठा केला जातो. सध्या आठवड्यातील दोन दिवस पाणी येत नसल्याने रहिवाशांना पाणीपुरवठ्याचे नियोजन कसे करावे असा प्रश्न पडला आहे.

पंतप्रधान नरेंद्र मोदी यांनी देशातील प्रत्येक बेघराला हक्काचे घर देण्याचे उद्दिष्ट आखल्याने राज्य सरकारने सिडको महामंडळाच्या माध्यमातून सर्वाधिक घरे सिडको वसाहतींमध्ये बांधण्याचे नियोजन केले. याच नियोजनातून मागील आठ वर्षांत प्रधानमंत्री आवास योजनेचे महागृहनिर्माण मोठ्या प्रमाणात खारघर, उलवे, द्रोणागिरी, तळोजा, कळंबोली, कामोठे या परिसरांत सुरू आहे.

हेही वाचा >>> घाऊक बाजारात टोमॅटो प्रतिकिलो ७० ते ८० रुपयांवर

दोन लाख घरे बांधून विक्री करण्याचा सिडकोचा उद्देश असल्याने आतापर्यंत ४० हजारांहून अधिक घरांची विक्री शिल्लक आहे. परंतु अडीच लाख नवीन घरे आणि १० लाख जुनी घरे असून या घरांमध्ये राहणाऱ्या नागरिकांच्या पिण्याच्या पाण्यासाठी पंतप्रधान कार्यालय आणि सिडकोने दहा वर्षांत नवीन धरण बांधण्याचे कोणतेही ठोस नियोजन केलेले नाही. दरवर्षी पावसाचे प्रमाण कमी होत असल्याने पाण्याची समस्या अजूनही तीव्र होत आहे.

पाणीटंचाई दूर होण्यास आणखी चार वर्षे?

हेटवणे धरणातून जलबोगद्याचे काम सुरू असून यासाठी ३००० कोटी रुपये खर्च सिडको करत आहे. या जलबोगद्यातून थेट नवीन जलशुद्धीकरण केंद्र वायाळ येथे पाणीसाठा आणला जाणार आहे. परंतु या प्रकल्पातून प्रत्यक्षात पाणी सिडको वसाहतींमध्ये येण्यासाठी २०२८ साल उजाडणार आहे.

सिडको टँकर देत नसल्याने संताप

सिडको मंडळाने बांधलेल्या खारघरच्या स्वप्नपूर्ती व इतर महागृहनिर्माणांमध्ये अत्यल्प, अल्प उत्पन्न गटांतील नागरिकांना बहुमजली इमारतीमधील घर दिले, मात्र पाणीकपातीच्या वेळी सिडको मंडळ या गृहनिर्माणामध्ये पाण्याचे टँकरदेखील पाठवत नसल्याने रहिवासी संताप व्यक्त करत आहेत.

एक दिवसाची पाणीकपात रद्द

सोमवारी उरणला पाणीपुरवठा करणारे एमआयडीसीचे रानसई धरण भरले आहे. त्यामुळे उरणकरांची मंगळवार व शुक्रवार या दोन दिवसांची पाणीकपात रद्द करून मंगळवारी पाणी सुरू करण्यात येणार असल्याची माहिती एमआयडीसीच्या अधिकाऱ्यांनी दिली आहे. त्यामुळे येथील नागरिकांना दिलासा मिळाला आहे. रानसई धरणातील पाणी साठ्याचा पुरवण्यासाठी नोव्हेंबर महिन्यापासून पाणी कपात सुरू करण्यात आली होती. जुलैच्या दुसऱ्या आठवड्यात रानसई धरण काठोकाठ भरून वाहू लागला आहे.