उरणच्या पश्चिम विभागातील सर्व जमिनी संपादनासाठी सिडकोची पुन्हा नवीन अधिसूचना

सिडकोच्या पहिल्या अधिसूचनेला यापूर्वीच शेतकऱ्यांनी कडाडून विरोध केला आहे. तरीही सिडकोने नव्याने अधिसूचना जाहीर केली आहे. यामध्ये वाढीव सर्व्हे नंबर समाविष्ट करण्यात आले आहेत.

उरणच्या पश्चिम विभागातील सर्व जमिनी संपादनासाठी सिडकोची पुन्हा नवीन अधिसूचना (image - express file photo)

उरण : मागील वर्षीच्या १२ ऑक्टोबरला काढण्यात आलेल्या अधिसूचनेनंतर सिडकोने पुन्हा एकदा उरण तालुक्यातील चाणजे, नागाव, केगाव, बोकाडवीरा, पागोटे व फुंडे येथील गावातील १ हजार ३२७ सर्व्हे नंबरमधील शेतकऱ्यांच्या जमिनी संपादनासाठी २२ डिसेंबरला सुधारित अधिसूचना काढली आहे. त्यामुळे सिडको विकासाच्या नावाखाली उरणचा पश्चिम विभाग पादाक्रांत करू पाहत आहे. त्यामुळे येथील शेतकरी संतप्त झाला आहे. सिडकोच्या पहिल्या अधिसूचनेला यापूर्वीच शेतकऱ्यांनी कडाडून विरोध केला आहे. तरीही सिडकोने नव्याने अधिसूचना जाहीर केली आहे. यामध्ये वाढीव सर्व्हे नंबर समाविष्ट करण्यात आले आहेत.

या जमिनीवर शेतकऱ्यांची ७०-८० वर्षांपूर्वीची पारंपरिक शेत घरे आहेत. तसेच उरणमध्ये येऊन नोकरी व्यवसायानिमित्त स्थायीक झालेल्या नागरिकांनीही आपल्याला राहण्यासाठी या जमिनीवर घरे बांधली आहेत. सिडकोने याचा विचार न करता यातील बहुतांश जमिनी संपादीत करण्याचा घाट घातला आहे. त्यामुळे सिडकोच्या विरोधात नागरिकांमध्ये प्रचंड संताप आहे. सिडकोला द्रोणागिरी नोडमध्ये साडेबारा टक्के विकसित भूखंड वाटपासाठी जमीन कमी पडत आहे. त्यासाठी चाणजे, नागाव- केगाव आणि इतर गावांतील जमिनी नव्याने संपादित करण्यासाठी अधिसूचना काढली आहे. परंतु राहती घरे असताना जमिनी संपादित केल्या जात असल्याने शेतकरी आणि घर मालकांनी या भूसंपादनाला तीव्र विरोध दर्शविला आहे. तशा हरकती सिडकोकडे नोंदविण्यात आल्या आहेत. असे असतानाही सिडको या विभागात जमिनी संपादित करीत असल्याने शेतकऱ्यांनी नाराजी व्यक्त करीत सिडको विरोधात संघर्षाची भूमिका घेतली आहे. सिडकोने येथील शेतकऱ्यांना विश्वासात न घेता कोणत्याही प्रकारची कार्यवाही केल्यास संघर्ष अटळ असल्याची माहिती शेतकऱ्यांनी दिली.

आणखी वाचा

dream of five and half thousand policemens house in Lohgaon will come true soon

लोहगावात साडेपाच हजार पोलिसांच्या घराचे स्वप्न लवकरच साकार

16 November Aries To Pisces Horoscope Today in Marathi

१६ नोव्हेंबर पंचांग: कृतिका नक्षत्रात मेषला शुभ दिवस,…

crores of rupees seized from car in khed shivapur toll naka area

अन्वयार्थ : हजार कोटी सापडले, त्याचे पुढे काय झाले?

Maharashtra vidhan sabha election 2024 Confusion in Mahavikas Aghadi will be profitable for Minister Suresh Khade

महाविकास आघाडीतील गोंधळ मंत्री सुरेश खाडे यांच्या पथ्थ्यावरच

harris rauf celebrating wicket of glen maxwell

Pak vs Aus: भारताविरूद्धची तयारी पडली कांगारुंना भारी; पाकिस्तानने उडवला १४० धावात खुर्दा

Maharashtra Vidhan Sabha Nivadnuk 2024 Live Updates in Marathi

Maharashtra Vidhan Sabha Election 2024 : देवेंद्र फडणवीस हे अभ्यासू नेते, एकनाथ शिंदे दिलदार माणूस-राज ठाकरे

Ind vs Aus: भारताविरुद्ध ऑस्ट्रेलियाने दिली ‘या’ नव्या खेळाडूला संधी; पर्थ कसोटीसाठी केला संघ जाहीर

Rohit Pawar scandal regarding 32 IT companies in Hinjewadi

“हिंजवडी मधील ३२ आयटी कंपन्या गुजरातला जाणार”; रोहित पवारांचा गौप्यस्फोट, गेल्या दहा वर्षात एक ही…!

हेही वाचा – उरण : शहरावर आता सीसीटीव्हीची नजर, महत्त्वाच्या ठिकाणांवर पोलिसांचा २४ तास वॉच

हेही वाचा – उरणचं पेन्शनर्स पार्क उरलं केवळ फलका पुरते, अतिक्रमणामुळे पाय ठेवायलाही जागा नाही

पुन्हा संघर्ष होणार

सिडकोच्या अधिसूचनेला लेखी हरकती अर्ज घेऊन ४ जानेवारीला सकाळी ११ सिडको भवन बेलापूर येथे जाण्याचा निर्णय सोमवारी झालेल्या बैठकीत घेण्यात आला असल्याची माहिती सिडकोबाधित प्रकल्पग्रस्त समितीचे अध्यक्ष कॉ. भूषण पाटील व सचिव अरविंद घरत यांनी दिली.

First published on: 25-12-2023 at 16:43 IST

Web Title: New notification of cidco for acquisition of all land in western part of uran ssb