ऑलिंपिक दर्जाचे जलतरण तलाव, आंतरक्रीडा संकुलाचे काम ४२% पूर्ण; येत्या ८ महिन्यात पूर्ण करण्याचे उद्दिष्टे

या इमारतीत तळमजल्यावर बस स्थानक, विद्युत वाहन केंद्र, एनएमएमटी कंट्रोल रूम, स्पेअरपार्ट्स, स्टोरेज रूम, फुडकोर्ट, मलप्रक्रिया केंद्र, रेन वॉटर हार्वेस्टींग टँक अशा प्रकारची व्यवस्था आहे. याशिवाय पहिला, दुसरा, तिसरा मजल्यावरील काही भागात चार चाकी व दुचाकी वाहनतळाची व्यवस्था, तिसऱ्या मजल्याच्या उर्वरीत भागात स्पोर्ट्स हॉल, योगा रूम अशा सुविधा उपलब्ध असणार आहेत. चौथ्या मजल्यावर ऑलिम्पिक आकाराचा मोठा तरणतलाव असणार आहे. तरणतलावाच्या पाण्याचे शुध्दीकरण करण्याकरिता क्लोरिनसह ओझोनाईझ तंत्रज्ञानाचा वापर केला जाणार असून ते शरीरास अपायकारक नाही. चौथ्या मजल्यावरील उर्वरित भागात कॅफेटेरिया, जीम, मेडिटेशन सुविधा, प्रथमोपचार कक्ष, कॉस्च्युम रुम, व्हिआयपी लाँज, डेक एरिया, शॉवर रुम, मसाज रुम, लॉकर, चेंजींग रुम व प्रसाधनगृहाची व्यवस्था असणार आहे. या इमारतीच्या पाचव्या मजल्यावर आंतरक्रीडा कक्ष, योग कक्ष, मिडिया रुम, स्पोर्ट्स हॉल असून सहाव्या व सातव्या मजल्यावर एनएमएमटी कार्यालये तसेच ८व्या मजल्यावर बँक्वेट हॉलची व्यवस्था आहे. त्याचप्रमाणे छतावर ऑनग्रीड सोलरपॅनल बसविण्यात येणार असून त्यामधून साधारणत: १८८ किलो वॅट वीज निर्मिती होऊन या इमारतीच्या वीज खर्चात बचत होणार आहे.