जेएनपीटी- पळस्पे राष्ट्रीय महामार्गावर ट्रेलर उलटला; वाहनाखाली आल्याने एकाचा मृत्यू 

जेएनपीटी ते पळस्पे राष्ट्रीय महामार्गाच्या सेवा मार्ग(सर्व्हिस रस्ता)  बाजूने जाणारा कंटेनर ट्रेलर मंगळवारी सायंकाळी ५ वाजता पलटी होऊन रस्त्यालगतच्या टायर पंक्चर दुकानावर कोसळला. यामध्ये दुकानातील टायरचे काम करणाऱ्या व्यक्तीचा वाहनाखाली चिरडल्याने मृत्यू झाल्याची माहिती पोलिसांनी दिली. या घटनेनंतर उरण पोलीस आणि रेस्क्यू टीम घटनास्थळी दाखल झाली आहे. सर्व्हिस रस्त्यावरुन जाणाऱ्या ट्रेलर साईड पट्टी सोडून बाजूला पलटी झाल्याने ही घटना घडली.