पिरकोन विद्यालयाला कर्मवीर पुरस्कार

पिरकोनमध्ये १९६१ साली सुरू केलेल्या विद्यालयाला रयत शिक्षण संस्थेचे संस्थापक भाऊराव पाटील यांच्या स्मृतिदिनी विद्यादानाचे काम केल्याबद्दल कर्मवीर पुरस्कार देऊन गौरविण्यात आले. या विद्यालयाने दहा गावांमधील शेतकरी व कष्टकऱ्यांच्या मुला-मुलींना शिक्षण दिले.
दि. बा. पाटील, माजी आमदार दत्तुशेठ पाटील आणि तु. ह. वाजेकर यांनी कर्मवीर भाऊराव पाटील यांच्या प्रेरणेतून उरण, पनवेल आणि रायगड जिल्ह्य़ातील ग्रामीण भागातील वंचितांच्या मुलांना शिक्षण देण्यासाठी विद्यालये सुरू केली. उरणपासून पंधरा किलोमीटर अंतरावर असलेल्या ग्रामीण भागात दळणवळणाचे कोणतेही साधन नव्हते. त्यामुळे गावातील प्राथमिक शाळेतील शिक्षण हीच येथील विद्यार्थ्यांची मर्यादा होती. माध्यमिक शिक्षण घेण्यासाठी पनवेल वा अलिबाग गाठावे लागत होते. यावर उपाय म्हणून पिरकोन येथे कर्मवीर भाऊराव पाटील विद्यालय सुरू करण्यात आले.
मध्यंतरी विद्यार्थ्यांना बसण्यासाठी बाके नसणे,पावसाळ्यात विद्यालयाचे छप्पर गळणे आदी समस्यांना सामोरे जावे लागत होते. अकरा वर्षांपूर्वी माजी विद्यार्थी सुधाकर पाटील यांच्या प्रयत्नाने दहा गाव माजी विद्यार्थी संघ स्थापन करून त्यांनी लोक निधीतून विद्यालयाची सर्व सुविधांनी युक्त अशी भव्य इमारत उभी केल्याची माहिती विद्यालयाचे अध्यक्ष जीवन गावंड यांनी दिली. आज या विद्यालयात कनिष्ठ महाविद्यालय आहे. तसेच गुणवत्ताही वाढीस लागली आहे. याची दखल घेऊन रयत शिक्षण संस्थेचे अध्यक्ष शरद पवार यांच्या हस्ते पिरकोनच्या विद्यालयाला कर्मवीर पुरस्कार देऊन गौरविण्यात आले आहे.

आणखी वाचा

आयुक्तांकडून कन्या आश्रमशाळेतील सुविधांचा आढावा

IND vs NZ : ऋषभ पंतच्या वादग्रस्त विकेटवर…

Video : ताडोबातील “कॉलरवाली” आणि तिचे बछडे..

नागपूर : बसप, वंचित पुन्हा मैदानात; मतविभाजनामुळे, काँग्रेस, भाजपच्या तोंडचा घास…

वर्धा : प्रजननकाळच बिबट्यांच्या जीवावर उठतोय, जंगल सोडून रस्त्यावर येतात, आणि….

“परिस्थिती सगळं शिकवते!” लहान वयात भाकरी करत्येय शेतकऱ्याची लेक, Viral Video एकदा बघाच

व्यक्तिवेध : मंगेश कुलकर्णी

“प्रशिक्षण संस्थेत प्रवेश घ्या अन् मोफत ‘टॅबलेट’ मिळवा”, संस्थांकडून विद्यार्थ्यांना आमिष