बाजारपेठेमध्ये ग्राहक नसल्याने उद्योगधंद्यात जरी मरगळ आली असली तरी विकासाच्या वाटेवर असणाऱ्या पनवेल परिसरात मात्र कोटींचे व्यवहार होत असल्याचे समोर येत आहे. सणासुदीच्या दिवसात गेल्या काही वर्षांपासून घर, वाहन आणि सोने खरेदीमध्ये ही कोटींची उड्डाणे मोठय़ा प्रमाणात पाहायला मिळत आहेत. पनवेल येथे बांधण्यात आलेल्या आणि येणाऱ्या घरांची खरेदी-विक्री जोरात होत असून ही आर्थिक उलाढाल अब्जो रुपयांची असल्याचे सांगितले जात आहे. मुद्रांक व नोंदणी शुल्क विभागाच्या तिजोरीत मागील वर्षी ५११ कोटी रुपयांचा महसूल जमा झाला. घरे खरेदीप्रमाणे वाहन खरेदीला आणि चांगला प्रतिसाद मिळत असून यंदा पनवेलमध्ये प्रादेशिक परिवहन विभागाच्या तिजोरीमध्ये ३१५ कोटी रुपयांचा महसूल कराच्या रूपातून जमा झाला आहे. तर मागील वर्षीपेक्षा सोन्याचा भाव यंदा चार हजार रुपयांनी कमी झाल्याने पनवेलकरांनी दिवाळीत सोने खरेदीत गुंतवणूक करण्यात रस दाखविला आहे. यंदाच्या वर्षांत सोने खेरीदी-विक्रीत सुमारे तब्बल चारशे कोटी रुपयांची उलाढाल झाल्याचा अंदाज पनवेलच्या सराफबाजारातील व्यापारांनी व्यक्त केला आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

मुंबईजवळ असणारे पनवेल आणि पनवेलमध्ये येणारे राज्य व आंतरराष्ट्रीय विमानतळाचा प्रकल्प यामुळे पनवेल परिसराचा झपाटय़ाने विकास होत आहे. पायाभूत सुविधांसोबत येथील वाढते शहरीकरण यामुळे मुंबईतील बडय़ा विकासकांनी येथे गुंतवणूक करणे पसंत केले आहे. यामुळेच पनवेलच्या जमिनीला सोन्याचा भाव मिळत आहे. अब्जो रुपयांच्या जमिनीचे व घरांचे दस्त असे मिळून मागील तीन वर्षांमध्ये दीड लाखाहून अधिक दस्तावेज एकटय़ा पनवेल तालुक्यात खरेदी-विक्रीसाठी नोंद करण्यात आले. २०१३ मध्ये पनवेलच्या मुद्रांक नोंदणी शुल्क विभागाच्या खरेदी-विक्रीच्या व्यवहारामध्ये तेजी असून या सरकारी शुल्काच्या आकडय़ामध्ये ९०० कोटी रुपये जमा झाले आहेत. हाच आकडा २०१४ मध्ये तब्बल ४० टक्क्य़ांनी घसरला होता. तरीही त्यावर्षी पाचशे कोटी रुपयांचे सरासरी शुल्क सरकारी तिजोरीत जमा करण्यात आले. तरी हा आकडाही इतर शहरांच्या तुलनेने मोठा ठरला आहे. यंदा इतर ठिकाणच्या बाजारातील जमीन-विक्रीमध्ये थंडावा असतानाही वर्षांतील दहाव्या महिन्यापर्यंत पनवेलच्या पाचही साहाय्यक निबंधकांच्या कार्यालयांमध्ये जमीन व घर खरेदी-विक्रीला जत्रेचे स्वरूप आले आहे.
वाहन खरेदीही जोरदार सुरू असून ही खरेदी जर अशीच राहिली तर प्रत्येक पनवेलकर नागरिकाकडे दुचाकी किंवा चारचाकी वाहन असल्याचे चित्र लवकरच पाहायला मिळेल. स्वत:च्या मालकीचे वाहन असलेल्या नागरिकांचे शहर अशी पनवेलची नवीन ओळख होईल याकडे पनवेल मार्गक्रमणा करत आहे. याची प्रचीती प्रादेशिक परिवहन कार्यालयामधील नोंदींकडे पाहून येते. २०१३ व २०१४ या दोन आर्थिक वर्षांमध्ये दुचाकी व मोटारी अशा ३८ हजार वाहनांची प्रतिवर्षी विक्री झाली. यासाठी तब्बल १७२ कोटी रुपयांचा महसूल कराच्या स्वरूपात जमा झाले. तर २०१५ या आर्थिक वर्षांत ४० हजार ९५५ वाहनांच्या खरेदीमुळे तब्बल १४३ कोटी रुपये सरकारला कराच्या स्वरूपात मिळाले.
सोने आणि जमिनीत गुंतवणूक
पनवेलच्या शेतकऱ्यांना जमीन विक्रीमुळे मिळणाऱ्या रकमेमध्ये शेतकऱ्यांनी सर्वाधिक मोठी गुंतवणूक सोन्यामध्ये केली आहे. मागील वर्षीपेक्षा यंदा सोन्याचा भाव चार हजार रुपयांनी उतरल्याने ही शहाणपणाची गुंतवणूक शेतकऱ्यांनी केल्याचे सराफ बाजारातील व्यापारी सांगतात. शेतकऱ्यांच्या जमिनीतील सर्वाधिक मोठी रक्कम बांधकाम व्यवसायामध्ये गुंतल्याचे समजते. मागील पिढीने केलेल्या चुका आपल्या हातून टाळण्यासाठी पनवेलच्या शेती विक्रीतून मिळणारी रक्कम पुन्हा रायगड जिल्ह्य़ातील खोपोली, पाली, कर्जत अशा तालुक्यांमधील शेत जमीन कमी भावाने विकत घेण्यात धन्यता मानली आहे. त्यामुळे पनवेलच्या सामान्यांची दिवाळी पनवेलमध्ये घरी फराळासाठीचे साहित्य, मुलांना नवीन कपडे, कंदील, पणती-रांगोळी खरेदी करून झाली असेल. पण यंदा पनवेलचा सराफबाजारात सर्वात जास्त सधनांची रेलचेल सुरू झाली आहे.

मुंबईजवळ असणारे पनवेल आणि पनवेलमध्ये येणारे राज्य व आंतरराष्ट्रीय विमानतळाचा प्रकल्प यामुळे पनवेल परिसराचा झपाटय़ाने विकास होत आहे. पायाभूत सुविधांसोबत येथील वाढते शहरीकरण यामुळे मुंबईतील बडय़ा विकासकांनी येथे गुंतवणूक करणे पसंत केले आहे. यामुळेच पनवेलच्या जमिनीला सोन्याचा भाव मिळत आहे. अब्जो रुपयांच्या जमिनीचे व घरांचे दस्त असे मिळून मागील तीन वर्षांमध्ये दीड लाखाहून अधिक दस्तावेज एकटय़ा पनवेल तालुक्यात खरेदी-विक्रीसाठी नोंद करण्यात आले. २०१३ मध्ये पनवेलच्या मुद्रांक नोंदणी शुल्क विभागाच्या खरेदी-विक्रीच्या व्यवहारामध्ये तेजी असून या सरकारी शुल्काच्या आकडय़ामध्ये ९०० कोटी रुपये जमा झाले आहेत. हाच आकडा २०१४ मध्ये तब्बल ४० टक्क्य़ांनी घसरला होता. तरीही त्यावर्षी पाचशे कोटी रुपयांचे सरासरी शुल्क सरकारी तिजोरीत जमा करण्यात आले. तरी हा आकडाही इतर शहरांच्या तुलनेने मोठा ठरला आहे. यंदा इतर ठिकाणच्या बाजारातील जमीन-विक्रीमध्ये थंडावा असतानाही वर्षांतील दहाव्या महिन्यापर्यंत पनवेलच्या पाचही साहाय्यक निबंधकांच्या कार्यालयांमध्ये जमीन व घर खरेदी-विक्रीला जत्रेचे स्वरूप आले आहे.
वाहन खरेदीही जोरदार सुरू असून ही खरेदी जर अशीच राहिली तर प्रत्येक पनवेलकर नागरिकाकडे दुचाकी किंवा चारचाकी वाहन असल्याचे चित्र लवकरच पाहायला मिळेल. स्वत:च्या मालकीचे वाहन असलेल्या नागरिकांचे शहर अशी पनवेलची नवीन ओळख होईल याकडे पनवेल मार्गक्रमणा करत आहे. याची प्रचीती प्रादेशिक परिवहन कार्यालयामधील नोंदींकडे पाहून येते. २०१३ व २०१४ या दोन आर्थिक वर्षांमध्ये दुचाकी व मोटारी अशा ३८ हजार वाहनांची प्रतिवर्षी विक्री झाली. यासाठी तब्बल १७२ कोटी रुपयांचा महसूल कराच्या स्वरूपात जमा झाले. तर २०१५ या आर्थिक वर्षांत ४० हजार ९५५ वाहनांच्या खरेदीमुळे तब्बल १४३ कोटी रुपये सरकारला कराच्या स्वरूपात मिळाले.
सोने आणि जमिनीत गुंतवणूक
पनवेलच्या शेतकऱ्यांना जमीन विक्रीमुळे मिळणाऱ्या रकमेमध्ये शेतकऱ्यांनी सर्वाधिक मोठी गुंतवणूक सोन्यामध्ये केली आहे. मागील वर्षीपेक्षा यंदा सोन्याचा भाव चार हजार रुपयांनी उतरल्याने ही शहाणपणाची गुंतवणूक शेतकऱ्यांनी केल्याचे सराफ बाजारातील व्यापारी सांगतात. शेतकऱ्यांच्या जमिनीतील सर्वाधिक मोठी रक्कम बांधकाम व्यवसायामध्ये गुंतल्याचे समजते. मागील पिढीने केलेल्या चुका आपल्या हातून टाळण्यासाठी पनवेलच्या शेती विक्रीतून मिळणारी रक्कम पुन्हा रायगड जिल्ह्य़ातील खोपोली, पाली, कर्जत अशा तालुक्यांमधील शेत जमीन कमी भावाने विकत घेण्यात धन्यता मानली आहे. त्यामुळे पनवेलच्या सामान्यांची दिवाळी पनवेलमध्ये घरी फराळासाठीचे साहित्य, मुलांना नवीन कपडे, कंदील, पणती-रांगोळी खरेदी करून झाली असेल. पण यंदा पनवेलचा सराफबाजारात सर्वात जास्त सधनांची रेलचेल सुरू झाली आहे.