नवी मुंबई: लक्ष्मी पूजनाच्या शुभ मुहूर्तावर सिडकोने पुन्हा ७,८४९ घरांच्या विक्रीचा शुभारंभ मुख्यमंत्री एकनाथ शिंदे यांच्या हस्ते केला. या वर्षात सिडकोने ही तिसऱ्यांदा सोडत काढली आहे. त्यामुळे विविध आर्थिक स्तरातील नागरिकांना परवडणाऱ्या दरातील घरे उपलब्ध करून देण्यामध्ये सिडको महामंडळ संपूर्ण देशात अग्रेसर आहे असे प्रशंसोद्गगार मुख्यमंत्री शिंदे यांनी काढले. सिडकोने दिपावलीच्या मुहूर्तावर २४ ऑक्टोबर रोजी ७,८४९ घरांच्या विक्रीचा प्रारंभ करण्यात आला. सिडकोच्या या महागृहनिर्माण योजनेतर्गत नवी मुंबईतील उलवे नोडमधील बामणडोंगरी, खारकोपर पूर्व2ए, खारकोपर पूर्व २बी आणि खारकोपर पूर्व पी३ येथे आर्थिकदृष्ट्या दुर्बल घटकातील नागरिकांकरिता परवडणाऱ्या दरातील ७,८४९ घरे (सदनिका) उपलब्ध करून देण्यात आली आहेत. या योजनेच्या ऑनलाइन अर्ज नोंदणीस २५ ऑक्टोबर २०२२ पासून सुरुवात होणार आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
