सिडको अध्यक्ष व संचालकपदासाठी शिवसेनेची मोर्चेबांधणी

सिडकोचे अध्यक्षपद पदरात पाडण्यासाठी शिवसेनेने मोर्चेबांधणी सुरू केली आहे. याच वेळी महत्त्वाचे महामंडळ सेनेला न देण्याची व्यूहरचना भाजपने आखली आहे. अध्यक्षपदासाठी शिवसेनेचे आमदार प्रताप सरनाईक, सुभाष भोईर आणि उपनेते विजय नाहटा यांच्या नावाची चर्चा सुरू आहे, तर संचालक पदासाठी माजी संचालक नामदेव भगत आणि विजय चौगुले यांनी आपली ताकद पणाला लावली आहे.
सिडको हे राज्यातील एक श्रीमंत महामंडळ म्हणून ओळखले जाते. आंतरराष्ट्रीय विमानतळ, नैना वसाहत, मेट्रो, उरण नेरुळ रेल्वे, जेएनपीटी विस्तार, स्मार्ट सिटी यांसारखे महत्त्वाकांक्षी प्रकल्प उभारण्याच्या कामी लागली आहे. त्यामुळे हे महामंडळ स्वत:कडे खेचण्यासाठी शिवसेनेने कंबर कसली आहे. आघाडी सरकारच्या काळात हे पद दुसऱ्या क्रमांकावर असलेल्या राष्ट्रवादीच्या वाटय़ाला आले होते. सिडको, म्हाडा, एमएमआरडीए आणि प्रदूषण मंडळ या महामंडळांवरून सेना भाजपमध्ये वाद सुरू आहे. सिडको आणि एमएमआरडीएच्या नाडय़ा मुख्यमंत्र्यांकडे असल्याने ते भाजपकडे ठेवण्यात यावे असे मत भाजप नेत्यांचे आहे. शिवसेनेला हे अध्यक्षपद देण्यापेक्षा भाजपच्या मित्रपक्षांना देण्याचाही विचार केला जात आहे. त्यात निवडणुकीत पाठिंबा देणाऱ्या संघटनांचाही सहभाग आहे. त्यामुळे अध्यक्षपद न मिळाल्यास दोन संचालक पदासाठी माजी संचालक नामदेव भगत व विजय चौगुले यांनी मोर्चेबांधणी सुरू केली आहे. या दोन्ही संचालकांना सिडकोत असलेली ‘क्षमता’ माहीत असल्याने त्यांनी पक्षातील लागेबांधे वापरण्यास सुरुवात केली आहे. अध्यक्षपदासाठी नाहटा यांनी थेट मातोश्रीला गळ घातली असून ठाण्याचे पालकमंत्री एकनाथ शिंदे यांची भूमिका महत्त्वाची असून त्यांचा हिरवा कंदील प्रमाण मानला जाणार आहे. शिंदे यांनी प्रताप सरनाईक व भोईर यांच्या नावाला पसंती दिली आहे. सिडकोचे अध्यक्षपद यापूर्वी नवी मुंबईतील कोणत्याही कार्यकर्त्यांला देण्यात आलेले नाही. अध्यक्षपदावर बसलेल्या व्यक्तीने नि:पक्षपाती न्यायनिवाडा करावा याकरिता हे पद सिडको क्षेत्राबाहेरील व्यक्तीला देण्याचा पायंडा पाडण्यात आला आहे. तो यावेळी बदलण्याची शक्यता वर्तवली जात आहे.

आणखी वाचा

Chhagan Bhujbal : “मला वाटते भुजबळांनी पंतप्रधान व्हावे…”, छगन भुजबळांच्या नाराजीवर राष्ट्रवादीच्या नव्या मंत्र्याचे भाष्य

Madhuri Dixit : डर चित्रपट माधुरी दीक्षितने का…

एक मुख्यमंत्रीही काफी है! इतरांची गरज नाही, जयंत पाटलांची टोलेबाजी

Sanjay Raut : संजय राऊत यांचं वक्तव्य, “महाविकास आघाडी आहे, स्वबळावर…”

Narhari Zirwal : “छगन भुजबळांसाठी पुढे मोठा विचार होणार असेल म्हणून…”, अजित पवार गटाच्या नेत्यांचं सूचक विधान

Raosaheb Danve : “छगन भुजबळांना मंत्रिमंडळात का घेतलं नाही? हे फक्त अजित पवार…”, रावसाहेब दानवेंनी स्पष्ट सांगितलं

NCP Leader : “शरद पवार आणि अजित पवार एकत्र आले तर आनंदच…”, राष्ट्रवादीच्या बड्या नेत्याचं वक्तव्य

Rahul Gandhi: काँग्रेसचं अनोखं आंदोलन, संरक्षण मंत्र्यांसह सत्ताधारी खासदारांना दिलं गुलाबाचं फूल आणि राष्ट्रध्वज!