पनवेलमध्ये ठाकरेंच्या शिवसेनेत फूट

हेही वाचा >>> खारघर तूर्भे लिंकरोडचे काम निवडणूकीनंतर सूरु होणार

६ लाख ५२ हजार ६२ मतदारांपर्यंत पोहचणे पुढील काही दिवसात शक्य सुद्धा दिसत नाही. मात्र यादरम्यान गुरुवारी गरड यांची भेट कामोठे येथील शिवसेनेच्या शाखेत सेनेचे जिल्हाध्यक्ष शिरीष घरत यांनी घेऊन त्यांना उमेदवारी मिळाल्याने आणि पुढील प्रचारासाठी शुभेच्छा दिल्या. एकीकडे विरोधात असलेले शिरीष घरत यांची साथ मिळाल्याने सर्वकाही आलबेल असेल असे चित्र समाजमाध्यमांवर जात असताना शेकापचे पनवेल मतदारसंघातील उमेदवार बाळाराम पाटील यांच्या प्रचारार्थ लावलेल्या विविध राजकीय पक्षांच्या पदाधिका-यांच्या बैठकीमध्ये ठाकरे यांच्या शिवसेनेचे तालुका प्रमुख एकनाथ म्हात्रे आणि विश्वास पेठकर यांनी बाळाराम पाटील यांचाच प्रचार करणार असे म्हणत गरड यांची साथ सोडली. म्हात्रे व पेठकर हे कट्टर शिवसैनिकांपैकी एक असल्याने स्थानिक प्रकल्पग्रस्त शिवसैनिकांचा गरड यांना विरोध असल्याचे स्पष्ट झाले आहे.

हेही वाचा >>> १५ हजार मतदारांचे सोसायटीतच मतदान, बेलापूरमध्ये १२ तर ऐरोलीत २ गृहसंकुलांत केंद्रे

अनेक शिवसैनिकांनी परजिल्ह्यातील मूळ रहिवाशी असणा-या लीना गरड यांना उद्धव ठाकरे यांनी दिलेल्या पनवेलच्या उमेदवारीमुळे नाराजी व्यक्त न करता गप्प बसण्याची भूमिका घेतली. मात्र शिवसैनिकांची ही मते बाळाराम पाटील यांच्या पदरात पडण्यासाठी शेकापचे पदाधिकारी आग्रही आहेत. निवडणूकीला १२ दिवस शिल्लक असेपर्यंत शेकापचे उमेदवार बाळाराम पाटील यांनी ठाकरे यांच्या शिवसेनेचा आशिर्वाद मिळेल असा आशावाद व्यक्त केला आहे. त्यामुळे शेकापचे पाटील हे कोणत्या नव्या राजकीय चमत्कारावर हा आशा व्यक्त करतात याकडे शेकापचे कार्यकर्ते लक्ष ठेऊन आहेत. शेकापला ठाकरे यांच्या शिवसेनेची साथ हवी असली तरी सेनेत एकाकी पडलेल्या लीना गरड यांनी कामोठे, कळंबोली, नवीन पनवेल आणि खारघर येथील शहरी मतदारांपर्यंत पोहचण्यासाठी समाजमाध्यमांचा प्रभावी वापर केल्याचे सांगीतले जात आहे.