कोपरखैरानेतील नटराज बारवर गुन्हे शाखेची धाड

पनवेल येथील कळंबोली परिसरात असलेल्या कपल डान्स बारवर धाड टाकल्याववर कळंबोलीचे वरिष्ठ पोलीस निरीक्षकासह अन्य एका सहाय्यक पोलीस निरीक्षकावर निलंबनाची कारवाई झाली तरीही अनेक ठिकाणी डान्स बार सुरूच आहेत. अशाच प्रकारे कोपरखैरने येथे सुरु असलेल्या नटराज बार वर गुन्हे शाखाने काल अपरात्री (बुधवारी) धाड टाकली, त्यावेळी अनेक आक्षेपार्ह घटना समोर आल्या. रात्री साडेबारापासून सुरू असलेली ही कारवाई पहाटेपर्यंत सुरूच होती. या प्रकरणी काही महिलांना आणि बार व्यवस्थापकाला ताब्यात घेण्यात आले आहे. याला गुन्हे शाखा सहाय्यक आयुक्त अजय कदम यांनी दुजोरा दिला आहे.

आयुक्त संजीवकुमार यांनी डान्स बार विरोधात उघडलेल्या मोहिमेची माहिती सर्वत्र असूनही ज्या पद्धतीने अनेक छुपे डान्स बार सुरु आहेत त्यावरून डान्स बार मालक कुणाच्या जीवावर एवढे निर्ढावले आहेत हे “”ओपन सिक्रेट“ आहे.