नवी मुंबई : नवी मुंबई शहरात दिवसेंदिवस करोना रुग्णांची संख्या वाढत आहे. त्यामुळे करोना रुग्णांची वाढती संख्या पाहता करोना विषाणूच्या प्रसाराला रोखण्यासाठी तपासणी, विलगीकरण व उपचार या त्रिसूत्रीच्या अनुषंगाने कार्यवाहीचे निर्देश पालिका आयुक्तांनी आढावा बैठकीत दिले होते. त्यानुसार करोना चाचण्यांमध्ये वाढ करण्याकडे विशेष लक्ष देण्यात आले असून सरासरी दिवसाला २ हजार चाचण्या केल्या जात आहेत. तर दुसरीकडे करोनाबाधितांची संख्या दिवसाला ३० ते ४० च्या दरम्यान येऊ लागली असून करोनाबाधितांनी काळजीपूर्वक रित्या ५ दिवसाच्या विलगीकरणात राहण्याचे आवाहन पालिकेने केले आहे..
नवी मुंबई शहरात सर्दी, खोकला व तापावरील उपचारासाठी महानगरपालिकेच्या रुग्णालयात अथवा नागरी आरोग्य केंद्रात येणा-या लक्षणे असलेल्या आजारी व्यक्तींची करोना चाचणी करण्यात येत असून आयएलआर आणि सारी रुग्णांचीही करोना चाचणी करण्यात येत आहे. पालिका क्षेत्रातील नवी मुंबई महानगरपालिकेची २३ प्राथमिक नागरी आरोग्य केंद्रे व ४ रुग्णालये या ठिकाणी करोना चाचण्या केल्या जात असून नेरुळ येथील माँसाहेब मिनाताई ठाकरे रुग्णालयातील आरटी-पीसीआर प्रयोगशाळा २४ तास पूर्ण क्षमतेने कार्यांन्वित आहे. या ठिकाणाहून आरटी-पीसीआर टेस्टचे रिपोर्ट २४ तासाच्या आत संबधित व्यक्तीस एसएमएस संदेशाव्दारे लिंक पाठवून उपलब्ध करून दिले जात असून करोना चाचणी सकारात्मक येणाऱ्यां रुग्णांना ५ दिवसांचे गृहविलगीकरण सूचित करण्यात आले आहे.करोना रुग्ण्संख्येची आसपासच्या शहरात वेगाने होणारी वाढ लक्षात घेता नवी मुंबई महानगरपालिकेच्या संपूर्ण आरोग्य यंत्रणेने सतर्कता राखण्याची गरज लक्षात घ्यावी आणि टेस्टींगवर भर द्यावा व करोना प्रतिबंधात्मक पावले उचलावीत असे निर्देश सर्व वैदयकिय अधिका-यांना देतानाच नागरिकांनीही करोना प्रतिबंधात्मक नियमांचे विशेषत्वाने गर्दीच्या ठिकाणी व रुग्णालयात जाताना पालन करावे असे आवाहन महापालिका आयुक्त राजेश नार्वेकर यांनी केले आहे.
हेही वाचा >>> नवी मुंबई: सुरक्षात्मक साधनांविनाच नालेसफाई, कामगारांचे आरोग्य धोक्यात!
मागील काही दिवसातील शहरातील चाचण्यांची व रुग्णांची संख्या…
दिनांक चाचण्यांची संख्या करोनाबाधित रुग्णसंख्या
१ एप्रिल ३८९ १९
२ एप्रिल १६ ३०
३ एप्रिल ४८४ १०
४ एप्रिल १४ २८
५ एप्रिल ५४२ १९
६ एप्रिल ४८१ २३
७ एप्रिल १४५ ४४
८ एप्रिल १५०४ २३
९ एप्रिल १०२३ ३९
१०एप्रिल २२४० १७
११ एप्रिल १८४४ ५३
१२ एप्रिल ११०१ ५६
१३ एप्रिल ९८० ४९
१४ एप्रिल १०१ ५९
१५ एप्रिल १८८० १५
१६ एप्रिल ३ ११
१७ एप्रिल १५७५ ४३
१८ एप्रिल १६१६ ४४
