नवी मुंबई: क्षुल्लक कारणावरून दुकानमालकाच्या हत्येचा प्रयत्न करणाऱ्या तिघांना अटक

निलेश भालेराव, नितीन भालेराव, विश्वदीप राजने आणि राजू साठे अशी यांतील आरोपींची नावे आहेत. १७ तारखेला रात्री साडेआठच्या सुमारास या चौघांनी मिळून सेक्टर ५ येथील ओंकार नावाच्या किराणा दुकानातून चार कोल्ड्रिंकच्या बाटल्या घेतल्या. त्याचे पैसे दुकानदार ओमप्रकाश चौधरी यांनी मागितले. मात्र पैसे न दिल्याने ओमप्रकाश यांनी त्या बाटल्या चौघांच्या हातातून घेत दुकानात ठेवून दिल्या. याचा राग मनात ठेवत या चौघांनी चौधरी यांना बेदम मारहाण केली. यातील निलेश याने जवळील चाकूने चौधरी यांच्यावर वार केले. यामध्ये चौधरी जखमी झाले. एवढ्यावर हे चौघे थांबले नाहीत तर त्यांनी दुकानातील सामानाची तोडफोड केली. 

आणखी वाचा

पुणे: अपहरणानंतर तासाभरात शासकीय ठेकेदाराचा निर्घृण खून, विठ्ठल पोळेकर खून प्रकरणात तिघे अटकेत; मुख्य सूत्रधार पसार

Nana Patole : निकालाआधी राजकीय घडामोडींना वेग; यातच…

बाबा सिद्दीकी हत्या प्रकरण: आरोपींना आर्थिक मदत करणाऱ्याला अटक

दोन कोटींच्या खंडणीसाठी शासकीय ठेकेदाराचा खून; ग्रामीण पोलिसांकडून एकास अटक; मध्य प्रदेशातून दोघे ताब्यात

रवींद्र वायकर यांच्याविरोधातील जोगेश्वरी भूखंड घोटाळा प्रकरण बंद; गुन्हे शाखेने दाखल केलेला अहवाल न्यायालयाने स्वीकारला

मित्राचा खून करून पसार झालेला आरोपी गजाआड, ससून रुग्णालय परिसरात कारवाई

पाच जणांना १९ नोव्हेंबरपर्यंत पोलीस कोठडी, बाबा सिद्दिकी हत्या प्रकरण

पुणे : बंडगार्डन रस्त्यावर तरुणाचा खुनाचा प्रयत्न, दोघांविरुद्ध गुन्हा

हेही वाचा…. उरण-पनवेल मार्गावरील खाडीपूल दुरुस्तीची प्रतीक्षाच? पावसाळ्यापूर्वी काम अशक्य

ही माहिती मिळताच चौधरी यांच्या भावाने पोलिसांना कळवले. दरम्यान चौघे पळून गेले. शेजारच्यांच्या मदतीने ओमप्रकाश यांना रुग्णालयात दाखल करण्यात आले. याबाबत दुसऱ्या दिवशी कोपरखैरणे पोलीस ठाण्यात चौधरी यांच्या पत्नीच्या तक्रारीवरून हल्ला करणाऱ्या या चौघांवर गुन्हा दाखल करण्यात आला. याबाबत वरिष्ठ पोलीस निरीक्षक अजय भोसले यांनी तात्काळ पथक पाठवून तीन आरोपींना बुधवारी अटक केली. तर या मारहाणीत जखमी झाल्याचा दावा करत असल्या साठे याच्यावर उपचार सुरू असून त्यालाही अटकेला सामोरे जावे लागणार आहे, अशी माहिती कोपरखैरणे पोलिसांनी दिली.