ग्रामस्थांचा द्रोणागिरी बचावचा नारा, पोखरणीमुळे करंजामधील नागरिकांचे मुखमंत्र्यांना साकडे

उरणमधील विकासाच्या कामासाठी द्रोणागिरी डोंगराच्या तिन्ही बाजूने (एका बाजूने ओएनजीसी प्रकल्प असल्याने ते वगळता) पायथ्याची माती काढली जात असून, माती वाहून नेणारे डंपर उरण करंजा या रस्त्यावरून जात आहे, त्यामुळे या मार्गावर वाहतूक कोंडी होऊ लागली आहे. तर रस्त्यांवर पसरलेल्या मातीवर पाणी टाकल्याने झालेल्या चिखलामुळे वाहने फसू लागली आहेत. याच परिसरात काही पावलांवरच करंजा हायस्कूल आहे. याचा फटका येथील विद्यार्थ्यांनाही बसण्याची शक्यता आहे. त्यामुळे, करंजा परिसरातील नागरीकांकडून संताप व्यक्त केला जात आहे.

आणखी वाचा

नागपूर : महामेट्रोच्या दिव्याखाली अंधार; भुयारी मार्गात दिवसा काळोख, अधिकारी सुस्त

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

गरिबांचे पैसे गरिबांना ही काँग्रेसची हमी; तेलंगणा, हिमाचलचे मुख्यमंत्री तर कर्नाटकच्या उपमुख्यमंत्र्यांचे भाजपला प्रत्युत्तर

धारावीच्या पुनर्विकासाचे मृगजळ

लाडकी बहीण योजनेवरून खासदार धनंजय महाडिक यांचे वादग्रस्त विधान; खासदार प्रणिती शिंदे, आमदार सतेज पाटील यांचे टीकास्त्र

लोकजागर : सामान्य पुणेकरांना ‘व्हीआयपी’ रस्ते मिळतील का?

सर्वच गणेश मंडळांकडून ध्वनिप्रदूषण! महाराष्ट्र प्रदूषण नियंत्रण मंडळ देणार ‘एनजीटी’ला अहवाल

अमरावती जिल्ह्यात महाविकास आघाडी, महायुतीसमोर अस्तित्व राखण्‍याचे आव्‍हान

हेही वाचा – नवी मुंबईत बहुचर्चित सायकल ट्रॅक वादात ! ६० झाडे तोडल्याप्रकरणी बेलापूरच्या सहाय्यक आयुक्तांनी नेरुळ उपअभियंत्याला बजावली नोटीस 

उरणच्या करंजा परिसरातील द्रोणागिरी डोंगराच्या पायथ्याचे मातीसाठी उत्खनन सुरू झाले आहे. ही माती वाहून नेणारे डंपर या रहदारीच्या रस्त्यावरून ये-जा करीत आहेत. आधीच अरुंद असलेल्या या रस्त्यांवर डंपरसह इतर वाहनांचीही ये जा होत असल्याने कोंडी होऊ लागली आहे. द्रोणागिरी ऐतिहासिक व महत्वाचा डोंगर असून याच डोंगरामुळे उरण तालुक्याचे अरबी समुद्रापासून संरक्षण होत आहे. तर, डोंगराच्या कुशीत देशातील सर्वात मोठा व सुरक्षेच्या दृष्टीने महत्वाचा ओएनजीसी तेल शुद्धीकरण प्रकल्प आहे. त्यामुळे, द्रोणागिरी डोंगराच्या संरक्षणाचा मुद्दा पुन्हा एकदा ऐरणीवर आला आहे.

२०१५ मध्ये माजी न्यायमूर्ती बी.जी. कोळसे पाटील यांच्या नेतृत्वाखाली उरण सामाजिक संस्थेच्या माध्यमातून जनजागरण करून द्रोणागिरी डोंगराचे पोखरण थांबविण्यात आले होते. तर, करंजा येथील नागरिकांनीही आंदोलन केले होते. मात्र, पुन्हा एकदा डोंगराच्या पायथ्याशी उत्खनन सुरू आहे. या डोंगराच्या पोखरणीमुळे डोंगराला धोका निर्माण होण्याची शक्यता आहे. तसेच, डोंगराच्या पायथ्याला उभ्या राहिलेल्या हजारो घरांच्या वसाहतीलाही पावसाळ्यात दरडीचा धोका निर्माण होण्याची भीती व्यक्त केली जात आहे.

हेही वाचा – नवी मुंबई : स्वच्छता अभियानाच्या जाहीरातबाजीचे दर अवाजवी ? शहरातील फ्लेक्सचे दर २० रुपये तर पालिकेच्या जाहीरातीसाठी ७९.३५ रुपये दर.

स्थानिक प्रशासनाचे दुर्लक्ष

द्रोणागिरी बचावच्या मागणीसाठी ग्रामस्थांनी स्थानिक प्रशासनाकडे मागणी केली, सूचना केल्या, मात्र रॉयल्टी भरली आहे, असे उत्तर दिल्याने अखेर ग्रामस्थांनी सामाजिक कार्यकर्ते सचिन डाऊर यांच्या नेतृत्वात जिल्हाधिकाऱ्यामार्फत मुखमंत्र्यांना साकडे घातले आहे.