एपीएमसीत टोमॅटोचे दर गडगडले; सोमवारी बाजारात प्रतिकिलो ५-१०रुपये, अत्यल्प दराने शेतकरी हवालदिल

टोमॅटोचे भाव गगनाला भिडल्यानंतर केंद्र सरकारने नेपाळवरून १० टन टोमॅटोची आयात करण्याचा करार केला. त्यानुसार टप्याटप्याने टोमॅटो आयात सुरु झाली. परंतू त्यामुळे सध्या टोमॅटोचे दर चांगलेच गडगडले आहेत. जुलै- ऑगस्टमध्ये टोमॅटोच्या दराने उच्चांक गाठला होता. बाजारात अवघे १५-२०गाड्या दाखल होत होत्या. त्यामुळे किरकोळ बाजारात २००तर घाऊक बाजारात ही १५०रुपयांनी विक्री होत होते.परंतु ऑगस्ट अखेर पासून टोमॅटो आवक वाढली असून त्यात केंद्र सरकारने टोमॅटो आयात केली आहे. त्यामुळे मागणीच्या तुलनेत टोमॅटो आवक अधिक असल्याने दर एकदम कोसळले आहेत.

आणखी वाचा

कोथिंबिरेच्या दरात घट; मेथी तेजीत, फळभाज्यांचे दर स्थिर

Nana Patole : निकालाआधी राजकीय घडामोडींना वेग; यातच…

मुंबईत निवडणुकीपर्यंत प्रदूषणाचा त्रास; मनुष्यबळाअभावी पालिकेची यंत्रणा हतबल

भाज्यांमधील किंमतवाढ ६३.०४ टक्क्यांवर; घाऊक महागाई दराचाही चार महिन्यांतील सर्वोच्च स्तर

मंदीच्या सावटाने बाजार गडगडला! अवघ्या दीड महिन्यात सेन्सेक्समध्ये ८,२८७ ने घट

शंभरी गाठलेल्या कांद्यामुळे ग्राहक जेरीस, जाणून घ्या, शेतकऱ्यांना किती दर मिळतो, ग्राहकांना किती रुपये मोजावे लागतात

नुकसानीमुळे कांदा उत्पादक, तर दरवाढीमुळे ग्राहक त्रस्त; कांदा शंभरीवर

हेही वाचा… ट्रॅव्हल पोर्टलच्या मदतीने कोट्यवधींचे आमिष दाखवत २ कोटी ८९ लाखांची फसवणूक

मागील आठवड्यात एपीएमसी बाजारात प्रतिकिलो १२-१४ रुपयांनी विक्री होणारे टोमॅटो सोमवारी मात्र ५-१०रुपयांनी विक्री झाले आहेत तर शेतकऱ्यांना ३-५रुपये दर मिळत आहे. अचानकपणे टोमॅटोच्या दरात घसरण होत असून टोमॅटो उत्पादक शेतकऱ्यांचा उत्पादन खर्चही निघत नसल्याने शेतकऱ्यांमधून संताप व्यक्त होत आहे. पश्चिम महाराष्ट्रातुन अधिक टोमॅटो आवक होत असून सोमवारी एपीएमसीत ४३ गाड्या दाखल झाल्या असून १९७७ क्विंटल आवक झाली आहे. घाऊक मध्ये प्रतिकिलो ५-१०रुपये तर किरकोळ बाजारात २०रुपयांनी विक्री होत आहेत.

‘टोमॅटो लागवडीचा खर्च ही निघेना’

शेतकऱ्यांना टोमॅटो लागवड , खत, काढणी इत्यादी उत्पादनासाठी प्रति एकर दीड ते दोन लाख रुपये खर्च होत आहे. महिनाभरापूर्वी दीड ते दोन हजार रुपये क्रेटने विकला गेलेला टोमॅटो आता ८०-९० रुपये क्रेटने विक्री होत आहे. त्यामुळे सध्या शेतकऱ्यांना प्रति एकर केवळ ९०हजार ते १लाख रुपये उत्पन्न मिळत आहे. वाशी एपीएमसी बाजारात १०रुपये दराने टोमॅटो विक्री होत असला तरी शेतकऱ्यांना प्रतिकिलो वाहतूक, हमाल, तोलाई इत्यादी ५ रुपये खर्च होऊन केवळ ३-५रुपये दर मिळत आहेत. त्यामुळे शेतकरी प्रचंड संतापले असून प्रतिक्रेट ३००रुपये तरी दर मिळावेत असे मत शेतकरी अर्जुन खराडे यांनी व्यक्त केले आहे.