भाज्यांची आवक दुपटीने वाढली ; दरात ४० टक्के घसरण

बाजाराला सुट्टी असल्याने तसेच पुणे व इतर स्थानिक बाजारपेठा बंद असल्याने वाशीतील भाजीपाला बाजारात आवक वाढली आहे. इतर वेळी ५०० ते ५५० गाडय़ांची आवक होते. आज ९७० गाडय़ांची म्हणजे दुप्पट आवक झाली. त्यात ग्राहक देखील कमी झाले आहेत. त्यामुळे भाजीपाल्यांचे दर एकदम ४० टक्क्यांनी उतरले. कोबी, फ्लावर व टोमॅटोचे दर स्थिर आहेत. मात्र भेंडी, गवार, वाटाणा, गाजर यांचे कमी झाले. भेंडी प्रतिकिलो ३६ रुपयांवरून २८ ते ३० रुपयांवर, गवार ४० ते  ४४ वरून ३६ रुपये, हिरवा वाटाणा २८ रुपयांवरून २४ ते २६ रुपये आणि गाजर १२ रुपयांवरून ८ ते  १० रुपये प्रतिकिलो झाले आहेत.

गुरुवारी भाजीपाला बाजार बंद होता. पुणे तसेच स्थानिक बाजारपेठ बंद असल्याने बाजारात मोठय़ा प्रमाणात आवक झाल्याचे घाऊक व्यापारी कैलास तांजणे यांनी सांगितले.