पहिल्याच जोरदार पावसाने पुन्हा एकदा उरण रेल्वे स्थानक पाण्यात बुडाले; प्रवाशांचे हाल सुरू, रेल्वेने पंप लावून ही पाणी साचले

उरण लोकल सुरू होण्याची येथील नागरीक वाट पाहत आहेत. त्यातच यासाठी तारीख पे तारीख ही जाहीर झाल्यानंतर १२ जानेवारीला पंतप्रधानांच्या हस्ते या लोकल मार्गाचे उदघाटन झाले आहे. त्याचवेळी पहिल्याच पावसात नव्याने उभारण्यात आलेल्या स्थानकांत चार ते पाच फूट पाणी साचल्याने पावसाळ्यात या स्थानकांची स्थिती काय असणार याचे भविष्यच दिसू लागले होते.

हेही वाचा : पनवेलमध्ये १ मेट्रीक टन प्लास्टिक पिशव्यांचा साठा जप्त

उरण व द्रोणागिरी दोन्ही स्थानकातील प्रवाशांच्या जीवाला धोका त्यातच पावसाळ्यात या दोन्ही स्थानकात पाणी साचल्याने या स्थानकातील विद्युत प्रवाहावर परिणाम होत आहे. त्यामुळे उरण व द्रोणागिरी ही दोन्ही स्थानके अंधारात जात आहेत. यावेळी प्रवाशांना याचा फटका बसण्याचा धोका निर्माण झाला आहे.